101台式休閒餐廳 (青衣城2)

營業中

休息中

很少來青衣城，就來4pm打算食個tea，周圍行唔知食乜好就見到呢間台灣野就試下。係門口等帶位時見啲員工行過都唔理，等左一陣先有位員工出來帶（我估因為其他員工唔負責帶位所以唔理，亦唔會通知負責個位員工出來）選擇不算多所以好快就落好單，野食亦估唔到好快就上哂枱。一份叫左芝士鴨胸撈公仔麵，鴨胸得三塊賣相唔太好…味道普通正常野。第二份香茅豬扒+奶醬多，豬扒落左好多鬆肉粉…奶醬多唔知點解啲煉奶係半透明…怪怪地…野飲方面熱柑桔檸檬同凍珍珠奶茶，好普通….總括黎講我唔會再黎，可能午餐或晚餐會較好，但唔會再試了。