古琴潮州酒家 (已結業)

今晚嚟到古琴，一坐低就叫了一位男服務員來點菜。我們點了鵝片、煎蠔餅及沙嗲牛肉芥蘭。咁等咗大約十分鐘，我地諗住啲餸差唔多嚟，就再叫一位女服務員同我哋點了一個細嘅方魚肉碎粥。個粥好快就送到嚟，我哋食到一半，嗰時都差唔多等咗廿幾分鐘，就發覺點解其他餸未嚟，就同職員講幫我哋跟一跟啲餸。職員覆返話跟咗。咁我哋咪再等。再等差唔多十多分鐘(total等咗多過半個鐘)，我哋再同職員講點解啲食物仲未嚟？？佢哋嘅答覆係無落過order！我即時嘅反應係咩事呀？？你哋啱啱先仲同我哋講你追咗單，而家同我哋講無落過單？？咁姐係之前叫你追單，你係hea我哋啦？？咩服務態度呀？？我哋話確實有一個男服務員同我哋落咗單㗎喎！！之後我哋已經唔想再食，而佢哋即刻再落單，我哋話算啦無意思唔食，埋單走。點知佢哋成班人走咗去，掉低我哋。要我哋自己去櫃檯埋單走，之後先話，個男服務員寫咗order，張order單就俾咗另外一個追緊其他單嗰位同事，之後無落到我哋已張單。咁點解要扮幫我追單？hea我話跟咗？個service真係好唔掂，佢哋並無作岀合理服務行業應該有嘅態度，無追究，無解釋，一啲都無覺得唔好意思個方魚肉碎粥嘅味道ok啦，啲料都