Mee...lemongrass (已結業)

一到晚上7點，門外就已經大排長龍，非常多人黎等位食晚飯。好彩我同另一半一早黎到，所以就唔需要等好耐先入去食飯。咁餐牌上有不同小食同埋不同喇沙、飯類等嘅選擇，實在睇到眼花撩亂。飲品方面，我地2人各自都叫左Mee魔法梳打。如果一家大細黎食晚餐，一定要點呢個飲品，因為餐廳會預備一少杯檸檬汁倒入去杯梳打，之後就會慢慢變成紫色。味道方面甜甜地幾好飲，入面仲有d蒟蒻。新張期內可以$84叫碗龍蝦喇沙，咁龍蝦係原隻上，肉質算爽口，而味道不錯。而喇沙個湯絕對係一讚，因為唔太辣但非常惹味，d豆腐卜吸埋d汁，簡直一流呀。如果粉嘅份量多d就最好不過。炸蝦餅個人認為幾好食，一碟共有4舊，味道好，而且熱辣辣即叫即炒，好食。豬扒飯亦都值得一試，因為塊豬扒烤得好香好好食。