浪漫館橫浜 (已結業)

服務：我地6個人今次gathering揀選左喱間，我第一個去到，服務員問我ｄ人到齊未，我話黎緊架喇！佢就話等等先，之後又俾我入去等喎！（以為要半數或全數先入得，就算係都唔緊要．）帶我到一張4人既卡位，我開佢可以點坐，佢話會加枱，好都無問題．等左10分鐘，我見有人走，佢依然都未加枱俾我，我有兩位朋友到步都要求佢要加位，有個女職員就懶醒咁拉張椅，同佢講我地唔係5個人係6個人喎，得一陣加俾你．卒之第4個朋友都黎埋佢先至加枱，原因係隔離7個客人食完走埋，佢就有枱俾我地囉．walk-in既反而有枱，咁我訂位黎做咩啊？環境：地方唔大就唔好整卡位喇！味道：以吉列豬扒黎做招牌菜就真係唔係咁得囉，勁多粉包住炸，肉又無味，比雪藏既重差．吉列蝦，吉列蠔都係勁多炸粉，又細隻又無味．唯獨可以讚既野係帶子夠大隻同幾甜，麵豉湯味道還可以喇！ 抵食：以咁既味道，完成係唔抵食囉！