皇牌冰廳 (砵蘭街)

營業中

休息中

見佢新開咪同老婆試下，晚上20:00時段，場內夠大但得4，5位客人，老婆先叫左個皇牌豬扒飯，見幅圖靚所以去試，我就叫左個燒春雞拼比目魚跟薯菜，兩個羅宋湯，先講湯，黎到夠熱，好濃味，兩碗都好飲，餐包又熱正，諗住湯都咁好，食物冇衰啦，點知……唉皇牌焗豬扒飯，居然會係白飯底，豬扒1塊冇切件，原塊上，相入面D番茄得1粒，味道差到呢，又唔酸又冇味，咁仲叫皇牌焗豬扒飯，揾自己笨，到燒春雞喇，隻春雞好似燒左好耐，D雞皮橡皮膠咁，D雞肉干晒冇水份，比目魚有小小生，D 薯條我以為係薯粒，碎晒，又唔熱，有小小凍，成餐廳得4，5位客人D出品都可以咁，卒之食左小小全部冇食，好在老婆唔食個餐包比埋我食先頂到返屋企煮麵食，所以一定冇下次。