周記點心

營業中

休息中

不枉我等左成個鐘周記點心，啲點心質素真係好唔錯。黑松露燒賣同蟹子燒賣都好正，黑松露清香不絕，仲有蟹子好新鮮彈口，燒賣冇咩肥豬肉溝落去，但啲肉都仲幾軟滑。另一推介佢既蝦多士~ 蝦多士原粒蝦肉，唔係一pat果啲蝦膠黎，食落有層次感，啲芝麻點左啲沙律醬都冇甩出黎，味道適中唔會偏鹹😍仲有唔係炸炸炸，所以食落唔太熱氣! 嗱嗱嗱，重點黎啦~ 我想食既奶黃流沙多士 終於食到啦😆 (下次我要食香芋流沙多士)首先個多士咁金黃已經好吸引，但切開你仲覺得吸引，因為蛋黃流沙不斷流出黎 XD 好香鹹蛋黃味呀! 多士索埋啲流沙勁正，香過用蛋漿炸~ 蝦餃非常飽滿，皮薄晶瑩，蝦肉相當大粒爽口。基本上今餐除左奶黃流沙多士之外，可以叫做全蝦宴。😂唔少得要飲呢度既奶茶，茶味十足。