香港達人 (黃大仙中心南館)

營業中

休息中

中午搵飯食，見有位就入咗嚟食。呢間餐廳以香港為主題，菜式都係港式茶餐廳為主，環境比一般茶餐廳坐得舒服。「午市套餐」星期六日都可以叫，有湯有嘢飲，仲有餐包，幾好。見佢推介海南雞飯，仲話係正宗，所以就試下。湯同普通茶記一樣，可以揀中湯/紅白湯，我就揀咗紅湯。之後到個飯，海南雞一啲都唔正宗，冇去骨，啲肉好鞋。個汁有兩款，紅色嗰款應該係辣，但食落冇乜辣；黃色嗰款冇乜味，又唔係薑蓉味。至於個飯太硬；特別之處係有好多菜，不過都係硬咗少少。如果叫返普通飯可能會好食啲。