咖啡弄 (已結業)

想係銅鑼灣搵間野食好食，又有wifi上到網既cafe，可以靜靜地坐下做下野，其實真係唔容易。諗黎諗去結果都係番番咖啡弄😂雖然佢個餐牌同上一次黎既時候轉左少少，但係都唔會影響到我不變既選擇😂冰釀咖啡，淨係加奶，已經中和到咖啡既苦澀味，更帶出咖啡本身既香味。我次次都嗌既菩提子，見到佢軟化血管呢個功效已經心心眼，再加切晒片既生果，絕對係high class既感覺。不過今次薑味太重，有啲辣。總匯三明治，次次見到就😍就嗌，但係又次次都唔記得係好大份，每人食一件已經夠皮。烤雞pizza，嗌完本身有啲後悔，因為想轉番窩夫，不過最後都係覺得一試無妨。男友食到lam lam脷，不過我就覺得醬汁太濃味，食唔到雞味。