影片
更多
2017-04-29
191 瀏覽
不潮不花錢今次同fd食呢間私房菜，系一次好特別既體驗，唔系普通食餐飯甘簡單。平時成日聽人講私房菜，硬系覺得系d好高級，冇一千蚊走唔到既餐廳。今次食呢間主打潮州私房菜，價錢絕對比我想象中平民，每個人$320免加一。朋友介紹話食之前要先打黎book枱，講低有d咩唔食，餐廳老闆就會幫你安排餐牌，唔洗自己諗（岩曬我呢d懶人）。餐廳位於尖沙咀住宅大廈入面，我同fd都系第一次上樓食飯，感覺好新奇有趣。上到去，格局都幾似一間屋企，似去人地屋企食飯，我地都勁興奮。因為我地得四個人，所以餐廳安排左我地入細房坐（好似仲有兩間大房，岩聚會）房入面仲有電視！！100%家的感覺！胡椒豬肚湯，激讚！豬肚洗得好乾淨，唔臭。平時出街食豬肚好糾結，一黎好中意食，但街外豬肚冇次系洗得乾淨，食落唔開胃。今次個豬肚真系洗得同屋企整一樣乾淨，食得出師傅既心機。師傅可能怕我地覺得腥，所以落重胡椒，飲落好暖胃，我仲搶左男友個碗黎飲。花雕蛋白蒸鮑魚仔。淨蛋白冇蛋黃，食落夠滑，唔老。鮑魚一樣洗得好乾淨（我呢d有飲食潔癖既人，又要驚污糟，又要出街食，今次終於唔洗驚！！！）蒸蛋好match花雕味，正！酥皮牛腩，而家好少地方可以食到。牛夠嫩
今次同fd食呢間私房菜，系一次好特別既體驗，唔系普通食餐飯甘簡單。
平時成日聽人講私房菜，硬系覺得系d好高級，冇一千蚊走唔到既餐廳。
今次食呢間主打潮州私房菜，價錢絕對比我想象中平民，每個人$320免加一。
朋友介紹話食之前要先打黎book枱，講低有d咩唔食，餐廳老闆就會幫你安排餐牌，唔洗自己諗（岩曬我呢d懶人）。
餐廳位於尖沙咀住宅大廈入面，我同fd都系第一次上樓食飯，感覺好新奇有趣。
上到去，格局都幾似一間屋企，似去人地屋企食飯，我地都勁興奮。因為我地得四個人，所以餐廳安排左我地入細房坐（好似仲有兩間大房，岩聚會）
房入面仲有電視！！100%家的感覺！
胡椒豬肚湯
9 瀏覽
0 讚好
0 留言
豬肚洗得好乾淨，唔臭。平時出街食豬肚好糾結，一黎好中意食，但街外豬肚冇次系洗得乾淨，食落唔開胃。
今次個豬肚真系洗得同屋企整一樣乾淨，食得出師傅既心機。
師傅可能怕我地覺得腥，所以落重胡椒，飲落好暖胃，我仲搶左男友個碗黎飲。
花雕蛋白蒸鮑魚仔。淨蛋白冇蛋黃，食落夠滑，唔老。
鮑魚一樣洗得好乾淨（我呢d有飲食潔癖既人，又要驚污糟，又要出街食，今次終於唔洗驚！！！）
蒸蛋好match花雕味，正！
酥皮牛腩，而家好少地方可以食到。牛夠嫩滑，外層酥皮夠脆。
入口熱辣辣，師傅仲專登寫左個「潮人」，好搞笑。
荷葉蒜蓉蒸蝦飯，好香！個飯配埋個甜醬油，仲有陣陣荷葉香滲出黎，我平時唔食飯都忍唔住食多碗。
爆炸蟹，重頭戲！每次食完間餐廳，我都會揀甘多道餸之中，最有心機既一道，稱之為「餸中機」！
今次既「餸中機」，就系呢道爆炸蟹。
唔知師傅點整（應該系炸？）隻蟹，令隻蟹肉質彈牙，食落新鮮，肉質唔霉又夠入味。
而且隻蟹大大隻夠多肉，啖啖肉！
話梅蝦？（好似係）酸酸甜甜，幾特別，第一次見咁樣整d蝦。
蝦唔腥，同話梅味都幾夾。
最後點少得個完美既甜品，反沙芋！！作為半個潮州人，呢個反沙芋真係幾正宗（同我細個係潮州食過既一樣）
外面層砂糖炒得好，夠乾身，脆卜卜既糖包住綿密既芋頭，咬落去有雙重口感。
另外，廚師（兼老闆？）好好人，食完會過來問下對d菜式有咩意見，👍。
張貼
