黃明記粥粉麵家 (已搬遷) 新店位置

由於圍繞公司附近的食肆早已攻陷，為食同事大軍唯有向九龍城進發，開闢搵食疆土，今天的目標是黃明記。豬肉丸撈麵：豬肉丸的確好食，爽口，蠔油多得滯，好咸，個撈麵湯更加重味得很，少少胡椒味，碟麵啱女士食，豬肉丸細細粒，五粒唔夠，男士碟麵唔夠飽，同行二位男士都要叫兩碗/一碗一碟先飽肚；豬什鬚：話豬什，好多都係豬潤，加幾條墨魚鬚，芽菜底，味道一般。一行五人，3碗麵加4碟麵加豬什鬚加油菜，共$207，出名的豬肉丸墨魚丸很出色，可惜湯底實在重味，回到辦公室，各人不停灌水還是抵銷不了。