牛極 (彌敦道)

營業中

休息中

今日到下午三點都未係好肚餓，唔想食粉麵飯，諗住食個牛扒加啲沙律菜都夠晒，於是嚟呢到試下。入到去只有一個女客人食緊嘢，我可以慢慢食啦。 因為我喜歡淋身啲，所以叫咗$115嘅牛柳， 牛扒未到我就拎定晒沙律、湯、餐具，仲攬定圍裙添。等多一陣牛扒出牆，但係⋯⋯⋯⋯隨咗件牛柳細細件之外，最大問題係一啲煙都冇， 即係塊石唔熱啦， 我在思考之際，服務員經過都睇得出塊石唔夠熱，幫我拎去換，但換出嚟嘅都只係比先前熱小小， 見啲服務員全部都在後面食飯，唔好意思再叫佢地整， 唯有生啲都照食，最多飲多兩碗熱湯保賞返。講返件牛扒，細塊咗啲， 都夠淋，都有啲牛味嘅😅。湯就就正常發揮。沙律菜只有生菜及幾粒粟米，如果多一兩款菜加埋落去會好啲。今次有點失望，一心諗住一個人嘆吓石燒，但一啲石燒嘅感覺都冇，食左兩舊連圍裙都除埋。