Amber’s Table

營業中

休息中

有一日lunch time行過入左去坐低食飯，我知間野主打西餐，但因為我實在係好鍾意食海南雞所以最尾我都係嗌左。其實本身都已經等得耐，但服務態度都ok嘅，問佢幾時先有得食佢地都有交代嘅。點知佢一放低碟雞。。。嘩 啲肉粉紅色嘅？我食左一啖。。。一陣血腥味。我就問個經理點解啲雞肉好似唔熟？佢就即刻拎返碟嘢入廚房，跟手同老闆娘講。個老闆娘就行埋嚟同我講：「小姐，我地啲雞係咁㗎，因為想確保啲雞滑啲，但可能你無食過啦，所以我地會叫廚房煮返熟少少比你。」嘩，我個下真係火都嚟埋，不過我忍，之後碟雞送返返嚟個時，個老闆娘又話：「你下次鍾意食熟嘅同我地講聲」。咁搞笑嘅？我第一次入嚟食，我點會知你地鍾意比啲未煮熟嘅雞比人食？就算係都係你地應該係我點餐時同我講你地嘅雞會比較undercooked啦下話？同埋認真，我做左幾十年人，去過泰國同馬來西亞食人地正宗嘅海南雞飯，就算人地煮得熟都一樣咁滑咁好食。所以如果呀老闆娘你睇到嘅話，唔該你地做錯嘢就認，唔好仲大聲夾惡覺得係食客嘅錯好無。如果你態度好，我都仲會食第二次，但咁嘅態度，真係請我都唔食。