影片
更多
2023-02-23
504 瀏覽
從來冇試過寫食評，今次比呢間開齋。.未試過咁差嘅服務，嚴格來講係無服務。.8:25入到去自助落完order點左2份總共$156嘅晚餐，一坐低就有個帶着鄉音嘅阿姐衝出嚟用好急速嘅聲線話”8點45分就清場，一係你哋就食快啲，一係就轉外賣！ “.我哋心諗做乜，由於我哋唔係住附近，所以唔想轉外賣。所以我哋同看似係話事嘅廚房男店員A講：”我哋唔係住響附近外賣唔到，同埋唔想咁急食唔切，所以要求退錢。”.期間鄉音阿姐好似跳咗掣咁不斷重複講 “我等你我等你我等你我等你，我咪話等埋你囉” “仲話10點會收舖，而家可以等到你9點” 下，我哋打咗個突。.我地堅持退錢。廚房男店員A唔太清楚所以就擰去問後面洗緊碗嘅男店員B，半秒之後佢就擰番過嚟話 “唔會退錢。” 我哋又打咗個突。.我哋就話 : “其實從你哋嘅反應唔似有退錢policy ,咁你做個special case俾我地啦。你地哩位阿姐講過10點先收舖，究竟係點樣？”.之後男店員A超晦氣咁講”呢度冇人講個10點收” 下，咁我哋頭先幻聽呀？仲話 “個個客都要求咁佢可以點做，我而家可以俾你食9點已經係special case。”.期間個阿姐不斷challe
.
未試過咁差嘅服務，嚴格來講係無服務。
.
8:25入到去自助落完order點左2份總共$156嘅晚餐，一坐低就有個帶着鄉音嘅阿姐衝出嚟用好急速嘅聲線話”8點45分就清場，一係你哋就食快啲，一係就轉外賣！ “
.
我哋心諗做乜，由於我哋唔係住附近，所以唔想轉外賣。所以我哋同看似係話事嘅廚房男店員A講：”我哋唔係住響附近外賣唔到，同埋唔想咁急食唔切，所以要求退錢。”
.
期間鄉音阿姐好似跳咗掣咁不斷重複講 “我等你我等你我等你我等你，我咪話等埋你囉” “仲話10點會收舖，而家可以等到你9點” 下，我哋打咗個突。
.
我地堅持退錢。廚房男店員A唔太清楚所以就擰去問後面洗緊碗嘅男店員B，半秒之後佢就擰番過嚟話 “唔會退錢。” 我哋又打咗個突。
.
我哋就話 : “其實從你哋嘅反應唔似有退錢policy ,咁你做個special case俾我地啦。你地哩位阿姐講過10點先收舖，究竟係點樣？”
.
之後男店員A超晦氣咁講”呢度冇人講個10點收” 下，咁我哋頭先幻聽呀？仲話 “個個客都要求咁佢可以點做，我而家可以俾你食9點已經係special case。”
.
期間個阿姐不斷challenge我地話 “都俾你留到9:00食啦，而家你仲可以食㗎喎！” 感覺就好似而家俾人恩賜15分鐘咁。
.
佢仲係堅持唔退款，我哋唯話轉外賣啦。點知男店員A繼續發晦氣話我哋已經整緊啦，即係佢根本就冇諗過俾我地揀，仲好大力咁拋啲食物砰微波爐門。依種咄咄逼人嘅態度真係好趕客。
.
電腦/ 店內係冇任何告示 或者店員講佢幾點last order同幾點會無堂食。之後你落咗單就屈硬食佢嘅所謂選項。
.
唔係話顧客一定大晒，但係有時啲店員啲態度真係太衰太趕客。
.
評分冇得揀0分，如果唔係，全部都係0分。
張貼
