譽宴 (已結業)

相約至親於母親節前夕茶聚，本應開開心心的，但這次光顧真的極度氣憤。星期六早茶時段至11:00，劃了點心後10:50就叫侍應（阿姐？）入紙，明明就企喺隔離枱吹水吹了10分鐘都裝聽不見，行開了，再轉頭過來接過點心紙，再斯斯然的去入單，再回頭說夠鐘，入唔到單，我地同佢理論說佢早啲應就唔會入唔到單，指責佢不是，點知得來結果係佢發爛渣，掉低點心紙，拋下一句：咁你搵第個做！！ 家陣飲茶要受這種氣的嗎？時為10:59，之後再遞給另一位阿姐，同樣是行去入機再轉頭說入唔到，我地決定叫她叫經理，但10分鐘後仍沒有到來，最後，要再揮手叫經理才有回應。食品其次，但去到這等地方消費還要受氣，都不會再光顧，幫襯過咁多間「譽宴」呢間個態度真係差到極點。難怪中午十二時仍只得5成入座率。