Pivo Czech Bar (已結業)

之前食過一次Lunch，覺得唔錯。今日去開嗰頭所以再食一次。先order咗半打生蠔，十分鐘後再order咗兩個頭盤，一個Pasta，一份四成熟嘅肉眼。兩個頭盤比生蠔得仲要快。不過見現場都半爆場，可以見諒嘅，生蠔都鮮甜，跟住嚟個Pasta都唔錯。最後到份肉眼，一切開發覺過熟，已超越七成熟，所以通知樓面員工希望更換，一名侍應攞走咗碟扒，過咗一陣令一個樓面「後尾知道係經理」將原碟肉眼扒攞返過嚟！話哩塊扒係四成，仲指住中間話仲有紅色，係無問題，所以唔行更換！