影片
更多
2017-11-23
111 瀏覽
話說周圍食野嘅我地，呢排成日去九龍灣德福開餐，事關前排大執位後食市有d改變，又錦麗又文華，翡翠又開返，茜廊位大執後開左幾間新野，今晚就去試！呢期小城知味行過幾次，睇食評不過不失，行入去試下！19:10 坐低，一心想試佢個蔥油撈面，商量完即刻落order!叫左*豬軟骨撈*同*招牌牛坑腩撈*，小食叫左*單骨雞翼**香煎魚餅*！就咁一心等食啦⋯⋯點知落左單唔夠一分鐘個侍應走埋黎話招牌*牛坑腩撈*賣曬好！我明白招牌野可能堅好賣，晚市剛開始就賣曬，咁唯有轉啦，轉左個*香煎牛脷牛肋肉撈*！點知又係唔夠一分鐘個侍應又走黎話賣曬，好！我忍你....再轉，轉左個*美國肥牛撈*啦佢又話賣曬我真心問有咩係有架！！！！！七點三未夠乜都冇，請問可以點咩呀？個亞姐回應我話問左廚房，所有有個牛字嘅都賣曬！咁無計啦⋯⋯唯有硬選個*沙嗲蝦球撈*（有得配撈面嘅選擇已經無啦）......等左大概兩個字竟然係個*沙嗲蝦球撈*到先！🤔🤔🤔最後點嘅到先，心諗「事有交叉」！等...等...等..................除左個*蝦球撈*乜都無黎過點呀⋯⋯係咪挑戰一個肚餓又EQ低嘅人19:48老公係咁二食左兩啖停左，一心等我一
呢期小城知味行過幾次，睇食評不過不失，行入去試下！
19:10 坐低，一心想試佢個蔥油撈面，商量完即刻落order!
叫左*豬軟骨撈*同*招牌牛坑腩撈*，小食叫左*單骨雞翼**香煎魚餅*！就咁一心等食啦⋯⋯點知落左單唔夠一分鐘個侍應走埋黎話招牌*牛坑腩撈*賣曬好！我明白招牌野可能堅好賣，晚市剛開始就賣曬，咁唯有轉啦，轉左個*香煎牛脷牛肋肉撈*！點知又係唔夠一分鐘個侍應又走黎話賣曬，好！我忍你....再轉，轉左個*美國肥牛撈*啦佢又話賣曬我真心問有咩係有架！！！！！七點三未夠乜都冇，請問可以點咩呀？個亞姐回應我話問左廚房，所有有個牛字嘅都賣曬！咁無計啦⋯⋯唯有硬選個*沙嗲蝦球撈*（有得配撈面嘅選擇已經無啦）......
等左大概兩個字竟然係個*沙嗲蝦球撈*到先！🤔🤔🤔最後點嘅到先，心諗「事有交叉」！
等...等...等..................
除左個*蝦球撈*乜都無黎過
點呀⋯⋯係咪挑戰一個肚餓又EQ低嘅人
19:48老公係咁二食左兩啖停左，一心等我一齊起筷，望住碟等到凍冰冰嘅*蝦球撈*！佢終於叫個侍應埋黎問d野幾時黎！
原來除左個蝦球撈，乜都無落過，侍應解釋轉單時cancel 左🙄🙄🙄我接受唔到囉📢📢📢📢
真心，其實我從來都無諗過會出劣評食評，一心想寫親都係開心share...你好野👍🏻👍🏻👍🏻為你做左第一次！
當然重新落單已沒有意思🤦🏻♀️🤦🏻♀️🤦🏻♀️埋單走去第二間食
忠告❗️
17 瀏覽
0 讚好
0 留言
別在肚餓時入這店
亦要問清楚有d咩有先好坐底
祝你好運
張貼
