影片
更多
2017-12-11
4631 瀏覽
明明有好多食評想打，但呢間實在勁到可以打尖，今日晏晝食完，我今晚就打！先講訂位經驗，呢度只接受網上訂位，佢話11月29日早上9點開始訂位，我好聽話準時上網訂。不過訂完之後，有多一個朋友話想試，於是我嘗試聯絡佢哋，個電話號碼連續打咗幾日，早午晚各打幾次，都冇人聽，算數今日12月9日準時到達，環境都不錯嘅，有4間用膠砌成嘅愛斯基摩屋，的確幾靚，前面就係幾張普通嘅檯，最近海邊係水吧。聽坐喺屋入面嘅客人講，入面真係幾焗，好在我哋坐出面啫檯面上有一隻雪人裝飾及聖誕頭飾，影吓相都幾過癮嘅。仲有個drinks menu，tea set menu欠奉，要問先有。由於都大風嘅關係，我哋叫咗幾杯水，不過等到個3層架嚟咗都未有水飲，聽waiter同其他客人講，原來啲水未滾最重點係講3層架入面嘅食物，menu寫住有Selection of elegant canapes、patisseries parisiennes de noel、fresh cranberry scones & clotted cream及assortment of premium teas。嚟到，只係一個非常普通嘅3層架，基本上完全冇鹹
聖誕樹曲奇
36 瀏覽
1 讚好
0 留言
先講訂位經驗，呢度只接受網上訂位，佢話11月29日早上9點開始訂位，我好聽話準時上網訂。不過訂完之後，有多一個朋友話想試，於是我嘗試聯絡佢哋，個電話號碼連續打咗幾日，早午晚各打幾次，都冇人聽，算數
今日12月9日準時到達，環境都不錯嘅，有4間用膠砌成嘅愛斯基摩屋，的確幾靚，前面就係幾張普通嘅檯，最近海邊係水吧。聽坐喺屋入面嘅客人講，入面真係幾焗，好在我哋坐出面啫
檯面上有一隻雪人裝飾及聖誕頭飾，影吓相都幾過癮嘅。仲有個drinks menu，tea set menu欠奉，要問先有。由於都大風嘅關係，我哋叫咗幾杯水，不過等到個3層架嚟咗都未有水飲，聽waiter同其他客人講，原來啲水未滾
最重點係講3層架入面嘅食物，menu寫住有Selection of elegant canapes、patisseries parisiennes de noel、fresh cranberry scones & clotted cream及assortment of premium teas。嚟到，只係一個非常普通嘅3層架，基本上完全冇鹹點，99%都係甜品。之後我哋發現一個好變態嘅問題，就係......
呢度嘅tea set係每位計($298/位)，我哋3個人，by common sense，每個人都有俾錢，點都係每款食物有3件呀嘛？架上總共有15款食物，total應該有45件啱唔啱？點知只有31件，請問另外14件去咗邊？最奇怪嘅係，每款食物嘅數目係唔平均㗎喎，(以下名稱係我以食得出係乜，就作個咁嘅名俾佢，請勿作準)，例如最頂層嘅唔知乜野raspberry tart有2件、咖啡tart得1件、青瓜批得2件、迷你酸瓜批有3件、馬卡窿有4件。點呀？你叫我哋點分？好在我哋熟啫，如果我係同客嚟食，你係咪要我細細件再切開share？
叫個waiter埋嚟問吓咩事，係咪放錯咗，佢夠膽話係咁㗎喎，每款食物嘅數量都唔同㗎，我哋應該俾啱㗎。喂，你一係平均啲，每款食物淨係俾1件，我奈你唔何，但你一啲俾1件，一啲就2件，一啲3件，最抵死係馬卡窿4件，但你total係31件又唔係3嘅倍數喎，係廚師定係個marketing定係執食物出嚟嗰個唔識計數？最後叫咗個應該係經理嚟，佢了解咗之後話會再攞啲食物俾我哋等我哋食飽。佢係攞多咗幾件嚟，不過都係是但拎，最後馬卡窿多1件(total 4件)、迷你酸瓜批多1件(total 4件)、Raspberry scone多1件(total 4件)、拖肥tart多1件(total 4件)、杏仁條多1件(total 4件)，咁其實都係分唔勻，究竟佢哋明唔明問題喺邊？係每樣食物一人一件，唔係是但求其！！！！！
聖誕樹曲奇
118 瀏覽
0 讚好
0 留言
我盡力每件食物都介紹一吓
Raspberry tart: 根本唔係tart，面頭係一塊raspberry，下面係cream，最底係甜到飛起但一啲都唔軟熟嘅蛋糕
咖啡tart: 食落點解隻味咁熟？根本就係美心西餅嗰隻咖啡西餅
紅菜頭唔知乜: 最頂層係紅菜頭mousse，下層係橙色唔知乜野，中層係黃色唔知乜野，食落去非常青，唔知自己食緊乜
芝士: 一塊黃色芝士，上面有啲cream，係最好味㗎喇，你話係埋陰功呀，竟然芝士係最好味
紅椒蛋糕：都唔知係乜，有片紅椒，有啲綠色好似薯蓉嘅波，下面都係嗰舊甜到飛起但一啲都唔軟熟嘅蛋糕，你係鹹點定甜點？
迷你酸瓜批: 兩塊唔知係乜嘅野包住一塊酸瓜及唔知乜嘅cream，青到爆，好似5青汁咁嘅味道
馬卡窿: 算係咁，玫瑰味OK，不過好甜
Raspberry scone: Fresh，講笑咩，凍冰冰，有誠意叮熱少少先上好無？不過算係咁，乾乾哋唔甜，但如果有jam會更好
拖肥tart: 正常味道，甜囉
食唔出: 一塊類似拖肥嘅物體，下面又係嗰舊甜到飛起但一啲都唔軟熟嘅蛋糕
杏仁條: 朱古力杏仁，幾好味唔算甜，個tart底OK
聖誕樹曲奇: 賣相不錯，聖誕樹形嘅曲奇，用icing sugar做咗啲鋪雪效果，底層係扮泥嘅朱古力碎，冇乜特別，咁都唔好食嘅話真係......
assortment of premium teas
74 瀏覽
0 讚好
0 留言
Afternoon tea set
$894
166 瀏覽
0 讚好
0 留言
聖誕樹曲奇
8 瀏覽
0 讚好
0 留言
真係一路食一路想鬧人，menu上寫selection乜乜乜，即係唔知乜，係我唔識英文，唔知你嗰堆英文字噏乜，但其實上菜時可以介紹吓啲食物係乜㗎。我哋3個都係非常為食嘅人，從來食野都唔會食剩，亦都唔會食到唔想食，但對唔住，今次真係中伏中到想喊，食到唔想食，亦都食剩野
到揀茶時間，有Earl grey、English breakfast tea、Peppermint、熱朱古力、咖啡，我哋3個都係要Earl grey，送上熱茶嘅時候我哋都呆咗。其實去啲好普通嘅地方食afternoon tea set，都係pot of tea咁上㗎啦？呢度竟然係喺水吧用茶包沖，再分別倒入3隻杯入面，唔係一pot，仲無得refill，哈！
Afternoon tea set
$894
35 瀏覽
1 讚好
0 留言
從來都覺得無貴嘅食物，只有值與唔值！但呢個afternoon tea set真係超級不知所謂，其實以呢度嘅環境及格局，你收$500一位的話，只要啲食物係用心做有心思，都一定大把人嚟食。但而家咁樣，真係齋食景㗎咋喎！而個景係咪特別靚呢？背後一堆豪宅，前面180度海景囉。就算個景係超靚，都要有美食嘅襯托囉，而家咁樣只係不倫不類，荒謬！
張貼
