影片
更多
2024-12-21
104 瀏覽
開頭見呢間嘢好多人推薦，就同朋友一齊去食，食完之後完全唔理解點解你地會有人推薦。員工服務質素零，食物質素零，環境亦都係零。‼️冬天十幾度仲開到個冷氣勁大，間餐廳成個雪櫃咁‼️一入到門口就見到一個戴住黑色口罩嘅男員工，佢安排我地坐喺門口第一張枱，但問題係其實入面仲有好多吉枱，點解要安排客人坐喺門口第一張枱？重點係你地門口第一張枱同個門口係真係好近，之後我地提出要求調位，調完之後發現你地好似張張枱都有個風口位對住，唔明白冬天十幾度點解仲要開到個冷氣咁大？‼️漏單，仲要我地提店員佢先發現‼️之後我地再要求調位，喺調位之前我地落左一次order，調完位之後我同朋友就開始等嘢食，我地等左差唔多半個鐘，心諗點解咁耐都仲未出餐，一問之下先知道原來漏左單，戴住黑色口罩嘅男員工表示因為我地調過枱，所以啱啱嘅order自動取消左，我果陣真係一臉疑惑，自動取消左點解你地唔主動幫客人重新落order？仲要係我地坐左喺到成半個鐘，然後我地主動問員工，你地個黑色口罩員罩先至好施施然咁同我講「係呀，所以而家幫你追緊囉。」一句對唔住或者唔好意思都冇，我唔明你哋係點樣請員工嘅？你地請員工嘅標準係咪有眼耳口鼻就得？之後話因為漏單
‼️冬天十幾度仲開到個冷氣勁大，間餐廳成個雪櫃咁‼️
一入到門口就見到一個戴住黑色口罩嘅男員工，佢安排我地坐喺門口第一張枱，但問題係其實入面仲有好多吉枱，點解要安排客人坐喺門口第一張枱？重點係你地門口第一張枱同個門口係真係好近，之後我地提出要求調位，調完之後發現你地好似張張枱都有個風口位對住，唔明白冬天十幾度點解仲要開到個冷氣咁大？
‼️漏單，仲要我地提店員佢先發現‼️
之後我地再要求調位，喺調位之前我地落左一次order，調完位之後我同朋友就開始等嘢食，我地等左差唔多半個鐘，心諗點解咁耐都仲未出餐，一問之下先知道原來漏左單，戴住黑色口罩嘅男員工表示因為我地調過枱，所以啱啱嘅order自動取消左，我果陣真係一臉疑惑，自動取消左點解你地唔主動幫客人重新落order？仲要係我地坐左喺到成半個鐘，然後我地主動問員工，你地個黑色口罩員罩先至好施施然咁同我講「係呀，所以而家幫你追緊囉。」一句對唔住或者唔好意思都冇，我唔明你哋係點樣請員工嘅？你地請員工嘅標準係咪有眼耳口鼻就得？之後話因為漏單所以比返個九折我地，但係你確認咁樣嘅服務質素係正常嘅？再加上九折尾，即係只係唔洗我地比服務費，而我亦唔覺得你地服務左我地啲乜嘢。
‼️短頭髮女店員唔識講野‼️
最好笑嘅係，你地入面有個短頭髮嘅女店員，一開頭比menu同埋比張單我地埋單嘅時候全程一句都冇出過聲，就咁擺喺枱面企喺到等我地埋單，唔知做乜？想問你地啲員工係發生咩事？唔講以為佢唔識講野，點解一句有禮貌嘅說話都冇同個客講？係唔識講野定係點？個態度差到我唔想同你個店員講野。
‼️食物質素參差‼️
果日叫左個唔知乜野有請今日乜乜，係個芒果芝士蛋糕，百幾蚊唔知食左乜野落肚，東海堂個蛋糕都好食過你地，完全唔明點解你地會有人推薦？
總結一句，不知所謂，冇下次。
張貼