影片
更多
2013-10-01
3410 瀏覽
唔好意思，由於我同我今次d朋友仔都冇"相機食先"呢個習慣，我更加冇寫食評既習慣，今次係第一次，仲要係越諗越氣頂，所以先寫出嚟抒發下同希望咁多位唔好中伏。其實今次係有朋友想試加上咁啱係朋友生日所以就book位去食。我地提早左3日去book位，book左8個人，諗著8:00 / 8:30 去食，點知聽電話果個話得7:30 & 9:00 呢2個時段，8:00 & 8:30 唔提供book 位服務(佢既語氣好似趕住收線咁)，我當時都覺得奇怪，之前有朋友係book 8:00 食飯，仲介紹佢地既 "豬手"話幾好食。不過算啦，我book左9:00同預留左個豬手，因為要就大家放工時間。果日9:00我同3位朋友準時去到，即係4個人，同個老板娘話我地book左9:00，佢話 "下，得4個咋，你地企出去等下啦" (態度好似極唔滿意我地咁)。跟著佢趕左我地4個人出門口企，果度出面又焗又多蚊，不過見佢舖仔細細，可能係要過半數人先可以入去坐，咁算啦，我地都唔好意思企入面阻住人。跟住我另外3個朋友around 9:05到左，咁即係7個人，差一個朋友未到，突然有個waitress出嚟帶左我地入去坐，佢係自動出嚟帶我地
其實今次係有朋友想試加上咁啱係朋友生日所以就book位去食。
我地提早左3日去book位，book左8個人，諗著8:00 / 8:30 去食，點知聽電話果個話得7:30 & 9:00 呢2個時段，8:00 & 8:30 唔提供book 位服務(佢既語氣好似趕住收線咁)，我當時都覺得奇怪，之前有朋友係book 8:00 食飯，仲介紹佢地既 "豬手"話幾好食。不過算啦，我book左9:00同預留左個豬手，因為要就大家放工時間。
果日9:00我同3位朋友準時去到，即係4個人，同個老板娘話我地book左9:00，佢話 "下，得4個咋，你地企出去等下啦" (態度好似極唔滿意我地咁)。跟著佢趕左我地4個人出門口企，果度出面又焗又多蚊，不過見佢舖仔細細，可能係要過半數人先可以入去坐，咁算啦，我地都唔好意思企入面阻住人。
跟住我另外3個朋友around 9:05到左，咁即係7個人，差一個朋友未到，突然有個waitress出嚟帶左我地入去坐，佢係自動出嚟帶我地入去，我地冇同佢講過任何野，我地一坐低，個老板娘就走過嚟話 "得7個，仲有1個呢"我地話未嚟到，但5分鐘內會到，跟著我聽到佢大大聲話果個帶位waitress "佢地未嚟齊就唔好俾佢地入嚟啦，你第一日入嚟做呀，咪由佢地喺出面企下囉，佢地阻住個門口，就叫佢地企遠d囉" 當時我聽到真係火都嚟埋，咩叫阻住個門口? 不過我都算喇，啱啱最後一位朋友都嚟到。
最後一位朋友坐低埋，剛剛帶位果個waitress就一輪咀咁講左7-8樣當晚冇得供應既食物，嘩!佢真係勁過講急口令，完完全全聽唔到佢講咩，我懷疑佢地日日都冇果幾樣，所以背到滾瓜爛熟。
我地叫左個西班牙火腿併哈密瓜、芝士焗蠔(8隻)、M5牛 (5成熟)、羊架(7成熟)、前鵝肝黑松露意大利飯，肉醬千層面、三文魚意大利雲吞，同預訂左既豬手。
果個西班牙火腿併哈密瓜都唔知咩嚟架，d火腿一食就知唔超過5年，下面哈密瓜又係一食就知係平時人地酒樓平時送果盤果d嚟，仲要得5舊，一碟咁既野竟然收$9x，我喺出面(即港島/九龍)食正宗意大利 / 法國菜呢個前菜都係$11x，仲要係好食好多。
好啦，我食完哂前菜 (即係芝士焗蠔同垃圾火腿)，冇人嚟同我地換碟，要我叫先做，咁我地食完哂d前菜就梗係將牛油刀同食蠔果隻fork放左喺碟上面架啦，佢真係好好笑地幫我地換碟果陣，將果d牛油刀同食蠔果隻fork放返喺我地面前，果下我真係哭笑不得。
跟著嚟既main dish，except 個豬手好食外，其他既我都唔知講咩好，d牛同羊全部都係全熟，無牛味、無羊咪，完完全全唔睇都唔知自己食緊咩肉。其他野味道都係一般，唔值咁既價錢。
咁我地未食完前菜果陣都已經order定甜品，食完哂d main dish好耐都未嚟甜品，咁我地就傾下計，講下最近去旅行d事，點知個老板娘突然走過嚟喝我地 "細聲d啦"，跟住我仲睇佢口郁郁講粗口咁，第一，我地8個人講野一定有一定的聲量，我自問我地唔算好嘈，不過你咁講，fine，我當我地係，但唔該你俾番d禮貌，話哂我地都係客人，唔係冇幫襯，你仲要講粗口，喂，你間係普通西餐廳咋，你估5星酒店呀，講下野都唔得。跟著個老板娘走開左，隔離位無啦啦同我地講"嘩，個老板娘咁做生意架，我覺得你地都冇嘈到" 我地唯有一笑置之，都唔知俾咩反應佢地。
好啦，個甜品我地叫左心太軟同芒果芝士流心蛋糕，2樣食物一個conclusion：太甜。
總結：食物無咩特出、服務態度簡直"十分特出"。
張貼