Jamie's Italian (已結業)

開了咁耐卒之可以試一次，初初食評講話好食又抵，但係非常失望，頭盤叫了木板拼盤，$98/份/一人份量，我們三個人叫了兩份，一份係魚一份係肉，嘩！好似乞兒咁，肉有三片火腿，兩片三角形芝士（全部薄到米紙咁）一舊水牛芝士（大過五圓小小），魚有兩條炸魚手指，兩件蜆，一件青口，兩片（米紙）三角形芝士，四份一塊麵包大嘅吞拿魚多士，一片三文魚哈，咁就收我$98一份，我們要將每一份細細件嘅嘢切成三份來吃，好似無錢食嘢咁，意粉叫了蝦意粉，以為會用鮮蝦煮的意粉，誰知係用浸水浸到透明嘅蝦仁來煮意粉，收百幾，pizza 叫了香港式pizza，又係用薄到米紙嘅沙樂美腸，只感覺係食到番茄醬嘅Pizza而已，又收百幾。係咁多，冇叫嘢飲，埋單連加一$630，不知所謂