Marco's Oyster Bar & Grill (已搬遷) 新店位置

呢間位於西九3樓的餐廳，見幾好環境，經過時侍應都好有禮貌叫可以試下，咁就入去試下囉，不食過又不知好不好的嘛，因為肚餓，所以叫了個雙層安格斯漢堡連薯條試下，連加一服務費都成$100的，我先說服務員的態度是不錯的，幾好的！好了，個包來了，都真係好大個好高，用竹串住的，我就快快拿掉竹串吃一啖試下先，就只是一啖，我知中伏了，咬落去啖肉乾到柴皮咁，一丁點肉汁都冇，還好似肉碎咁散開晒，沙律醬只有少少，好像冇醬咁，都成$100個的嘛，不想浪費才食到大半，後來個侍應走來問我是否吃不晒，我照講話好難食，見佢問我了，我就問返佢，個漢堡是不是即煎的？佢話不是，一早煎定的，唉，我都估到啦，乾到咁樣，我心諗，成舊水食個煎定的漢堡，你好食都仲可以講丫，超級難食囉，麥當勞漢堡都多汁過佢好食過佢啦！