一樂燒臘飯店 (已結業)

午餐一條冷，走去食叉鵝飯，好衰唔衰入左呢間位於大埔四方公園的一樂飯店，原本叫叉鵝飯，但阿姐推介叫鵝脾抵食d，只收42元，見價錢ok就要了！飯上枱時好似ok，點知仔細一睇，所謂鵝脾只得一條睥骨+ 一舊無名指大小的肉+ 超肥膩的皮．．．真係火都起，叫個阿姐黎睇，佢只係答左一句：係差左少少！咁就行開左，其他搭檯的顧客都在暗笑，我再叫第二個阿姐黎睇，佢竟然話42元係食呢d質素啦．．．ok，我心想你認就得啦！無奈之下繼續食，食完後，我好高調咁拍低呢碟物體；比錢時同老闆娘投訢鵝脾根本只係肥鵝皮，佢就答我話下次比好d部位係啦．．．完全睬你都傻啦，傻仔先會再上當！