Urban United Burger & Bar (已結業)

今日難得去元朗食野，本來想食天鴻燒鵝，去到原來今日休息冇開。因為已經3:45分，唔想周圍行，所以就去咗對面食呢間野。當日呢個時間，佢哋一個客都冇，就只有我同我老公。我哋叫了一份burger 同all day breakfast. 真係冇講大話！冇誇張！我哋四點鐘落order, 等到四點半, 都冇嘢食！ 當時間鋪冇其他人，只有我同我老公兩個人。但係個女侍應見到咁耐冇嘢食，都冇幫我地去睇吓發生咩事！但係個女侍應係冇其他野做，好得閑，禁吓電話。直至到要我地主動問佢，佢先話幫我地睇吓。有一個唔知係咪老細嘅男人，之後行咗出嚟，跟住我哋問佢點解啲嘢食咁耐， 已經等左半個鐘，跟住佢就笑笑口，話👉🏻係咩？👈🏻，跟住就走咗入廚房睇一睇！我覺得呢啲服務完全唔得！！結果係4:40至4:45分才有嘢食。可能我哋黑仔啦！間鋪得我同老公兩個人，又唔係多人，其實冇可能會漏單囉。野食又普通，總之唔會再有下次！