Urban United Burger & Bar (已結業)

扭計中的男朋友要求食漢堡，於是我地就嚟到呢間裝修同呢條街道完全唔襯嘅特色店。入到去我已經俾佢七彩繽紛嘅餐牌所吸引。因為我自己食左嘢，所以淨係嗌左杯飲品。而男主角就嗌左個漢堡包餐。漢堡配啤酒係佢嘅堅持，所以唔少得啤酒。漢堡包嘅牛肉都好多汁，麵包都算新鮮軟綿綿唔會擺太耐而硬掘掘，薯角都外脆內軟，唔會炸過龍。唯獨個份量細左啲，食完佢話仲想出去買其他咁食。而我最不滿係杯蜜桃茶，唔甜之餘苦苦地，唔個係個茶太濃定係蜜桃汁壞左。就咁一個餐兩杯飲品都$230，食完唔飽嚟講其實都真係一般般。而佢間餐廳雖然裝修得好靚，但好多蚊同烏蠅仔飛飛下，好煩擾下，可能清潔方面要做多小小。

一向都喜歡試有特色的burger小店，於是朋友介紹元朗呢間超多好評的高質漢堡店。來到店門前，有一絲疑惑🤔點解店內只有一枱人在用餐？Friday night都無乜人？！不過既然一場嚟到，無理由吾試試既。之前見到有推介阿拉斯加特大魚堡，一心就想試呢個，但店員說menu換了，眼見burger得三四款可選，好唔吸引😔只好選了燒汁和牛漢堡& double和牛漢堡🍔Burger賣相並沒有令人感到高質，雖然和牛肉質是不錯的，但面包感覺鬆散，而且我吾明點解燒汁並不是搽在肉嘅上面，而搽咗係包底？！令到個包底又林又散，感覺不太好👎🏻山長水遠特登入到元朗試呢間完全吾值得，希望越大失望更大！☹️

Such a horrible experience!! This this the 2nd times we visit but HUGE difference now. I think they change the owner now. It WAS a nice place for Burger. NOW Is a bar with ppl smoking indoors and the staff that allow them to do. Its 8pm dinner time please! There are kids eating here and Im pregnant. TWO TABLE sat next to ARE SMOKING. TOTALLY UNACCEPTABLE. Dont even mention the fries dry and salty!!! Worst fries we ever had!!!!

一行4人，本身睇openrice個餐牌覺得ok所以book左去食，去到發現個餐牌唔同哂，得好少選擇。（唔知係想改革定易左手）叫左饅魚炒意粉、明太子意粉、魚burger同薯角、3杯juice。味道正正常常但量真係好少，嚇親。埋單差唔多700蚊。魚burger舊肉好細 細到小朋加拳頭咁既size....同埋坐得好唔舒服，啲沙發椅勁矮，如果情侶坐高椅都ok,一班人去就好辛苦野飲仲要黎漏左杯要叫提醒先黎返。不會再去

身为住元朗嘅人， 喺元朗开嘅新食店， 有点会唔去试下呢？ 元朗又新街一向都系食肆嘅集中处， 最近都开咗间美国风，以汉堡包主打嘅西餐厅， 餐厅位置正正就喺元朗好出名嘅天鸿烧鹅对面， 餐厅个门口都好抢眼， 用咗黄色嘅窗框， 加埋美国工业风嘅气息， 一眼就可以揾到呢间餐厅。 餐厅入面嘅墙，画满咗 graffiti ， 充满美国街头特色。餐厅主打汉堡包， 今次就叫左推荐嘅都市大联盟$198， 呢个汉堡包有6，7层高， 馅料非常之丰富， 主材料有软壳蟹，鹅肝，牛肉汉堡， 车打芝士，炸洋葱圈，同番茄。 软壳蟹香脆， 鹅肝甘香， 汉堡扒juicy, 配埋好fresh番茄同生菜, 成个包嘅味道层次非常丰富。 而且仲有炸薯条或者墨西哥脆片选择， 两个人食都够晒饱。另外仲叫咗酱烧猪肋骨$168， 猪肋骨腌得入味， 外层嘅bbq酱汁惹味香浓， 骨同肉嘅比例啱啱好， 呢个菜式有两大条猪肋骨， 两个人食嘅份量可能会太多， 四人食就啱啱好开心share啦~饮品方面亦都好有特色， 今日就叫左一个个名好特别既咖啡， 咸咸地咖啡$36， 咖啡上面有一层忌廉， 饮落确系有啲微微嘅咸味， 咸道就好似salted caram

難得來到元朗用openrice 搵餐廳，見到呢間野有成超過200個好評，就一於去試下。中伏既經歷由呢一刻開始！餐廳環境唔需要評論，大家睇相就會知。店員閒時用部電視機打PS4 我都唔Care! 重點我要講食物！首先食物價錢在同區來講絕對不便宜，自然食客既期望一定相對應該更高一點。餐牌可見，普遍用高級貴價食材做招來。第一道: 明太子呑拿魚意粉份量少，少既程度可以見圖。味道非常一般，同埋非常之膩。第二道: 鰻魚炒意粉外觀上好似有驚喜，大大條鰻魚，但食落係兩回事。係極度之咁咸！咸到我份量咁少都實在食唔到！兩道食物，兩杯汽水共 $362

食物質素很好，環境清潔，服務態度優良！ 芝士牛肉漢堡首選又夠大件，牛肉肉質新鲜夠多肉汁唔會硬，配大條薯條夠熱夠脆口，味道也調得不錯。加錢，有湯有野飲又有甜品。甜品蛋糕鬆軟好味。下次要带仔仔光顧。

見好多like去試 但非常失望 在元朗站行10分鐘左右到 餐廳算易搵 一進去 只有高凳高檯 或矮檯梳化 坐得不太舒服 而且有蚊 很滋擾 我叫了燒汁和牛漢堡 和明太子吞拿魚意粉 等了約15分鐘 才來了漢堡 餐牌寫 配薯條 但來了薯角 職員說有時是配薯角 但餐牌沒有寫 麵包很乾 牛肉ok 配菜(薯角和生菜)也ok我先吃漢堡 但差不多吃完 意粉仍未到 所以決定取消意粉 賣單$163 （燒汁和牛漢堡）個人覺得不值這個價錢如想在元朗吃漢堡 個人認為有更好的選擇

間餐廳重新裝修完，連menu同食物都唔同左(價錢貴左差唔多1倍)。好可惜既係食物質素差左好多好多，根本同M記冇分別，個包同嘉頓包一樣，食物材料十分差！！！！感覺十分廉價，完全唔抵食，仲有啲侍應服務態度勁差，剩係係到大聲傾計，要叫幾次先會有反應同埋仲要好無禮貌，真係對呢間餐廳好失望，以前係到食過一次個質素都唔係咁，轉左menu同價錢後我覺得唔抵食，希望大家都唔好再中伏！！！！！去第二間平啲既都會有更加好既水準

下午4點黎到, 價錢100-200不等, 但比你既服務就係差過大家樂,同2個朋友黎, 甩左兩個人既單都有, 但成間鋪頭得我地一張枱有人,成間鋪服待一張台都可以攪到咁,野食唔係平, BURGER 要140起跳 , 但比M記好一點~抵唔抵就見仁見智, 但永不回頭,住左元朗好多年, 見證左咩餐廳係留得住,BURGER $200蚊唔係咩大數目,.但比一D 咁既服務就顯得十分之唔值依個價.

今次真係食到嬲！！今日個friend介紹話呢間好食就諗住試下點知一入到餐廳，個環境係唔錯，D歌都幾啱聽，食下野吹下水黎講係一個好地方！一坐低，個waitress就擺低三份Menu，早前我就睇openrice見到好多人都介紹阿拉斯加魚堡就好想試下，但就係menu到搵唔到，於是就問waitress，點知waitress就話冇做㗎啦，我地menu都轉曬啦....唔緊要，諗住試下其他啦，點知落order既時候，飲品又冇coffee，得汽水！！所以最後都冇叫飲品，我朋友叫左個沙律，我就叫左個燒汁牛堡，個包好香，應該用左牛油擦過，沙律D醬好夠，但塊牛就好一般，好細塊！結帳時，諗住俾信用卡先知原來卡機壞了，好彩cash夠！總括來講，呢個價錢，呢個食物質素，真係只係食個景only，下次如果卡機壞左，可以貼住個牌俾客人睇提醒人！也都可以嘗試將Menu擺係餐廳門口，俾客人了解先愉快用餐！

食物質素一般但完全無服務可言，樓面長期無人serve食物時又唔俾餐具，又唔抹枱想叫人黎又唔知啲人去哂邊度仲好意思收加一服務費垃圾餐廳，不知所謂!啲好評係咪買番黎架?!咁既價錢有大把選擇

嗌咗個阿拉斯加特大魚堡同一杯SUNTORY 角HIGHBALL。漢堡塊魚柳好難食，完全無味，外面炸得比較硬，裏面魚肉滑潺潺，因為無味所以變到有種噁心嘅口感，魚柳上面嘅他他醫又膩又唔好味，最後尾淨係食晒個包、番茄、洋蔥，仲有陪碟嘅薯角。我自問係個好憎浪費食物嘅人，一般唔好食都會廢時晒嘢吞晒落肚，不過呢塊魚柳真係頂唔順，對唔住。至於杯highball......細杯不特止，都唔知有無照足1:4咁溝，一放埋枱飲啖都好淡，冰又唔係圓冰，真係呢。

Ordered takeout from this burger place. Shocked with the onion rings.. only four pieces in the box and doesn’t look good at all. Dislike. its not even make sense with the price and the quantity/ quality as well. And waited for an hour with this???? Took the wrong order as well, suppose to have chips with the burger. Very disappointed with the service and food. Dont ever think with come back again.

第一次寫評論，仲要係差評，因為未試過甘難食既餐廳，無論係侍應態度，以至於食物都非常差，實在唔明白點解甘多哈哈笑。食物方面，叫左阿拉斯加特大魚堡，應該都係用魚柳炸，炸到好燶，外面完全係硬到呢！另外加配左薯條同洋蔥圈，未食過甘難食既薯條，條條都係硬既，洋蔥圈炸到黑晒，見到都冇胃口，郁都冇郁過。服務方面，入去冇人理你，食完叫埋單都冇人理你，對於服務，我從來唔要求好勤力，但你理下人啦。另外餐具都好污糟！完全係一個好差既體驗！