十六座車仔麵 (已結業)

今天和朋友行完街，食個Tea, 我朋友係大食仔😂，佢話要食碗麵先夠飽！佢今日帶咗我來十六座車仔麵，我都係第一次來，店舖以懷舊裝修做主題。食食食波菜麵底，蝴蝶腩，牛腩，滷水豆腐加腩汁個麵底除咗係綠色之外，食唔出有菠菜味，豆腐好入味，蝴蝶腩同牛腩都炆得好淋。紅菜頭麵底，有魚蛋，腸仔，豬大腸，撈麵。個麵唔覺有紅菜頭味，麵質煮得唔夠淋，有啲硬。豬大腸炆得幾淋，魚蛋都幾入味。如果對食要求唔高嘅人來講，呢間車仔麵種算係不過不失。