蛇王二 (已結業)

無意中行過見肚餓，天氣又忽然涼了不如食碗蛇啦！過咗食飯時間都好多人，有 $44 粉面下午茶餐，但係 5:30pm 過鐘了 😫 。叫咗碗菊花五蛇湯 $70，算係足料，薄脆菊花跟湯上。同其他蛇店比較，遜色在薄脆唔係任食😛 但係衛生比較好，坐得舒服啲。個蛇湯有少少獻，但係湯底夠味，好多蛇肉、木耳。呢度都有蛇湯餐，跟潤腸飯同蠔油生菜，$110 又幾抵食。雖然全部老伙計，服務態度都 ok，遇見遊客都仲好有耐性，算係咁。下次來要試下臘腸飯！