Saravanaa Bhavan (已搬遷) 新店位置

行行下尖沙咀海防道落雨，轉入阿士厘道搵食避下雨。地舖d餐廳排隊排到傻，不經意見到有幢商業大廈好多選擇，就揀左間印度餐廳入去啦印度野我同大部分香港人一樣淨係識咖哩牛羊同薄餅，估唔到今次去左呢間印度素菜又幾特別。餐廳環境光潔簡單，檯面佈置整齊，好快就坐低睇餐牌啦。叫左杯印度特飲，北印度套餐，炒飯，一客素菜咖哩同小食。印度特飲係芒果乳酪味，好重口感香濃，大大啖飲落去都幾爽幾正小食係加左乳酪嘅炸麵圈，入便加左蕃茄洋蔥粒，加上面頭芝士碎，入口唔會太膩之餘仲好健康咁北印度套餐包括多款配料，有咖哩，醃菜，烤餅，炒飯等等。炒飯加左好多香料，入口一啖比一啖辛辣，加上香飯質感好好食。烤餅係新鮮即焗，帶淡淡牛油香，淨食定配咖哩食都唔錯。咖哩佢有兩盤，我就唔識分啦，但兩種都好好食，每種都食到好濃郁複雜香料味，食得出心思。素菜咖哩入邊有加椰菜花，食埋印度芝士炒飯真係好飽，成餐飯就畫上完美句號啦。