金滿象正宗泰國菜 (已結業)

今晚和友人到太子花園街覓食。原本想試煲仔飯，行咗成條街，又過對面街望下，見到有越南野，又好想食海南雞飯。再行多一陣，見到有兩間泰國餐廳，最後入咗呢一間，因為外面個包裝好似靚啲。果然冇入錯地方，雖然侍應姐姐有啲怕羞，但老闆娘好搞笑，同我地有傾有講。今日係星期三，佢個燒雞包黃姜飯有半價，好似好吸引咁，所以我哋就決定叫一客。另外叫咗個蒜蓉蠔油椰菜苗，同埋生蝦刺身。認真要讚下個燒雞包黃姜飯！不過個蠔油椰菜苗就咸左少少，而且份量比較少。生蝦刺身嗰個汁幾有趣，不過勁辣。