影片
更多
2016-01-21
1119 瀏覽
每次經過呢間甜品店都好想入去食，因為出面掛住d芒果仔仔好可愛，而且飲品既賣相都好吸引。 見今日食完拉麵有d口渴，個肚又仲有位，就試一試呢間啦。 店面以橙色為主，都幾sharp，門口吊住幾隻招牌芒果仔仔，忍唔住不停影佢地相。 因為以外賣為主，店既面積好小，店內亦有雪櫃放左各式馬卡龍，蛋糕，甜品可以比客人買返屋企享用。 睇下menu...款式都幾多而且特別，咖啡果汁小食甜品樣樣都有，不過冷飲比較特別少少，所以揀左2杯冷飲。 Mango X'presso 趣醬雜錦炸物 $72人氣No.1當然要試下啦，賣相真係好吸引，好大杯而且好colourful，中間有閃燈發光... 梳打飲品上面係藍色既藍柑桔，中間係紅色既士多啤梨，最底係黃色既芒果，飲落去有三重感覺，如果撈勻去飲又係另一種感覺，好清涼冰爽，飲完令人好回味。 炸物有3種: 炸雞，花枝丸同炸飯，上面淋有好多蛋黃醬。 炸雞好香口，咬落肉質嫩滑且多汁，好惹味。花枝丸夠彈牙，同個醬汁好夾。不能說的炸飯真係好特別，其實係risotto，咬落脆口兼且有芝士拉絲，有少少蘑菇味，真係不能說的好食😂 炸
見今日食完拉麵有d口渴，個肚又仲有位，就試一試呢間啦。
店面以橙色為主，都幾sharp，門口吊住幾隻招牌芒果仔仔，忍唔住不停影佢地相。
因為以外賣為主，店既面積好小，店內亦有雪櫃放左各式馬卡龍，蛋糕，甜品可以比客人買返屋企享用。
睇下menu...款式都幾多而且特別，咖啡果汁小食甜品樣樣都有，不過冷飲比較特別少少，所以揀左2杯冷飲。
Mango X'presso 趣醬雜錦炸物 $72
人氣No.1當然要試下啦，賣相真係好吸引，好大杯而且好colourful，中間有閃燈發光...
梳打飲品上面係藍色既藍柑桔，中間係紅色既士多啤梨，最底係黃色既芒果，飲落去有三重感覺，如果撈勻去飲又係另一種感覺，好清涼冰爽，飲完令人好回味。
炸物有3種: 炸雞，花枝丸同炸飯，上面淋有好多蛋黃醬。
炸雞好香口，咬落肉質嫩滑且多汁，好惹味。花枝丸夠彈牙，同個醬汁好夾。不能說的炸飯真係好特別，其實係risotto，咬落脆口兼且有芝士拉絲，有少少蘑菇味，真係不能說的好食😂
炸物全部新鮮即炸，熱辣辣，個設計又好方便拎住食，食一啖炸物再飲一啖冰涼既飲品真係人生一大享受，即時令到炸物冇咁熱氣。
熱情的芒果 $34
係由熱情果味加芒果合成，面頭有一球愛文芒果雪糕，而底部有好多一粒粒芒果果肉同奇異果籽，雪糕很creamy，有啖啖芒果既清香，飲落啖啖芒果肉，芒果味+熱情果味酸酸甜甜好解渴。
兩杯飲品入面都有閃燈，令到飲品賣相更加特別，拎住喺街上面飲閃閃下吸引好多途人既目光，好得意。
原來飲完隻杯可以比佢洗，之後拎返屋企，咁杯飲品價錢確實不貴，如果可以回收隻杯下次買野飲有優惠的話更加好。
原來呢間店係mangochacha 既外賣店，唔怪得芒果有返咁上下質素，起初見到炸雞仲以為係韓式甜品，點知原來係台式甜品，都幾特別，飲完兩杯野大家都好滿足，下次再試埋窩芙先。
張貼
