影片
更多
2010-07-13
41 瀏覽
世界盃終於曲終人散, 而西班牙亦喺冇咩考驗下奪得冠軍, 合理與否見仁見智, 不過亦因為咁師傅亦終於可以抖一抖喇; 世界盃期間師傅亦有食唔少野, 可惜年紀大, 體力唔好, 所以睇完世界盃後都未寫到, 而呢個食評亦係其中一個! 日本大戰巴拉圭, 正好係師傅約左好友食家"乜都放入窿"飯局, 由於大家都喺港島區工作, 所以好友食家"乜都放入窿"就決定帶師傅黎食漢堡包! 食漢堡包看似普通, 但好友食家"乜都放入窿"帶得師傅食嘅一定唔野少, 一定有d料嘅, 所以師傅都甚為期待, 相約八點半集合, 然後由好友食家"乜都放入窿"引路!入到食店感覺十分特別, 漢堡包店嘅感覺令師傅彷似置身於外國, 甚有西部牛仔嘅酒吧感覺; 於是求其是但搵個位坐底, 只見食客得小貓幾隻, 但師傅又絕對冇覺得食物唔得嘅感覺, 還見其他食客在玩紙卡遊戲, 亦即時令師傅想起呢度亦係鬥地主嘅一個好地方! 再行埋去睇下有咩好食啦, 發覺食物選擇甚多, 真係令師傅樣樣都想試! 最後師傅揀左個烤墨魚扒漢堡包餐, 餐係有薯條同汽水, 而好友食家"乜都放入窿"就揀左個香草白豬肉腸熱狗餐, 落完單等左一陣後, 由於師傅覺得好鬼肚餓, 所以個
日本大戰巴拉圭, 正好係師傅約左好友食家"乜都放入窿"飯局, 由於大家都喺港島區工作, 所以好友食家"乜都放入窿"就決定帶師傅黎食漢堡包! 食漢堡包看似普通, 但好友食家"乜都放入窿"帶得師傅食嘅一定唔野少, 一定有d料嘅, 所以師傅都甚為期待, 相約八點半集合, 然後由好友食家"乜都放入窿"引路!
入到食店感覺十分特別, 漢堡包店嘅感覺令師傅彷似置身於外國, 甚有西部牛仔嘅酒吧感覺; 於是求其是但搵個位坐底, 只見食客得小貓幾隻, 但師傅又絕對冇覺得食物唔得嘅感覺, 還見其他食客在玩紙卡遊戲, 亦即時令師傅想起呢度亦係鬥地主嘅一個好地方! 再行埋去睇下有咩好食啦, 發覺食物選擇甚多, 真係令師傅樣樣都想試!
最後師傅揀左個烤墨魚扒漢堡包餐, 餐係有薯條同汽水, 而好友食家"乜都放入窿"就揀左個香草白豬肉腸熱狗餐, 落完單等左一陣後, 由於師傅覺得好鬼肚餓, 所以個餐都未黎到已經決定加單, 同好友食家"乜都放入窿"商量後決定要一份咖哩角同一份芝士辣肉醬薯角, 而伙計仲問師傅要大定細, 師傅話梗係大啦!
主餐未黎, 加單嘅咖哩角同芝士辣肉醬薯角已經率先登場, 於是師傅即刻試下咖哩角, 咖哩角真係即叫即炸, 因為放入口係勁熱同埋勁脆, 加上唔油膩, 感覺十分之正, 如果咖哩味能夠再香濃少少, 相信會更加吸引; 至於芝士辣肉醬薯角份量真的相當之大, 芝士味就唔多覺, 不過辣肉醬真的幾辣, 內裡真的有天椒, 所以十分惹味, 加上薯角香脆, 整體真的不俗!
食左一陣師傅個主菜終於登場, 烤墨魚扒漢堡包其實師傅都係第一次食, 所以十分期待, 烤墨魚扒漢堡包係將個包分開面同底 (如圖), 用意係比食客自選添加配料, 呢種食法絕對啱晒師傅同好友食家"乜都放入窿, 皆因唔食嘅可以唔要, 鍾意食又可以放多少少, 最後師傅放左少少酸瓜, 粟米同蕃茄等, 完成後攞番埋位, 當師傅正準備成個包啪落去, 點知由於包身頗厚, 墨魚扒亦甚厚, 加埋配料根本冇辦法成個包食, 最後師傅只好分開兩邊食; 先食個包加少少配料, 包身熱騰騰又十分鬆軟, 加上配料十分新鮮, 第一個感覺已經不錯; 再試埋另一邊, 入口發覺墨魚扒勁香, 扒內亦有勁多墨魚肉, 十分爽口, 非常好味, 嗰種好味程度令師傅忍唔住要切少少墨魚扒比好友食家"乜都放入窿”試下, 而好友食家"乜都放入窿”亦對此讚不絕口, 師傅第一次食就覺得呢個烤墨魚扒漢堡包係必食推介! 至於炸薯條係屬於粗身薯條, 薯味重但師傅略嫌硬左少少, 收貨啦; 師傅亦有幸試左少少白豬肉腸, 感覺係白豬肉腸十分之香, 肉味幾鮮, 不錯!
總括黎講食物質素十分出色, 環境地方十分清潔舒服, 服務亦友善, 價錢相宜, 絕對值得一試再試! 能夠食到咁出色嘅食物令師傅真的十分滿足, 同好友食家"乜都放入窿”飯局真係永冇失手勢, 所以笑臉師傅係必定會比, 而家呢一刻師傅已經諗緊幾時會再去喇!
後記: 由於日本大戰巴拉圭開戰在即, 而師傅同好友食家"乜都放入窿”決定趕回家睇波, 但眼見仲有一堆薯角未食晒, 於是師傅失驚無神講左句 “黎個快食啦”, 而好友食家"乜都放入窿”亦回得甚妙 “而家唔係快唔快食, 係確實好飽呀”, 當下師傅真的笑到牙都甩呀, 唯有打包攞走啦!
張貼
