泰Grill (恆隆銀行大廈) (已搬遷) 新店位置

行過加連威老道發現一個新開嘅food court，復古裝修，裏面其中一間是食泰國菜，看餐牌有我至愛嘅燒魷魚鬚，就決定試試。🌼青木瓜沙律顏色鮮艷，紅黃綠青有齊，各樣配搭恰到好處，只是個人不太喜歡生青豆角，但整體是好的，味道是泰式的酸甜，滿分💯。🌼碎生菜加肉碎（配蒜香多士）這個偏辣，但蒜香多士好香好脆，90分。🌼雞肉串、牛肉串串燒做得非常好，特別是雞肉，好香，當時真的想叫多一碟，滿分💯。🌼燒蠔另一燒物燒蠔，一樣做出水準，滿分💯。🌼汁燒魷魚鬚原隻上嘅燒魷魚鬚我要畀200分，是點樣的正，大家來試吧，滿分💯💯。🌼鮮橙茉莉花茶🌼菠蘿蝶豆花疏打飲品是food court 另一間店提供，味道好打卡正，滿分💯。整體來講，食物達水準之上，亦都想回來試試其他菜式，應該會有驚喜的。