燈籠滷味 (朗豪坊)

營業中

休息中

上星期去旺角買喼順便去咗朗豪坊揾地方食晚飯，朋友話想食台灣嘢,於是我哋選擇咗去燈籠滷味，朋友話台灣嘅滷味好出名,而燈籠滷味嘅醬汁亦都係台灣直送,值得一試！我哋一人嗌咗一碗湯麵，朋友就揀咗要冬粉配有雞翼大腸同生菜,雞翼好入味,大腸份量唔少而且湯底好濃郁並且配有酸菜，越食越開胃！我就揀咗牛肚豬耳同豆腐串配王子麵, 湯汁夠哂掛麵,每啖都食到滷水汁精華, 豆腐串吸收哂濃郁嘅滷水湯底,食落好滋味！我同朋友都係一個蛋餅狂粉,所以我哋叫咗一個芝士肉鬆芋泥蛋餅, 蛋餅係即叫即做嘅，外皮煎得相當香脆,肉鬆份量亦很充足！我哋仲分別叫咗一杯黑糖珍珠奶茶，黑糖珍珠烏龍茶, Shopping Day用豐富嘅晚餐作結！ 下次要試埋滷肉飯！