鳴虎 (北帝街) (已結業)

天氣冰冷就會想食d 暖笠笠嘅嘢食, 而因為夜晚無堂食, 又諗起鳴虎拉麵, 咁就試吓外賣啦。🥢 黑鳴虎-博多黑蒜油外賣嘅賣相當然不及堂食啦, 不過餐廳會主動分湯, 所以唔怕d 拉麵會浸淋咗。拉麵包含1 隻糖心蛋, 2 片豚肉片, 1 塊紫菜同木耳絲。糖心蛋流心, 豚肉片嫩滑, 不過紫菜就淋曬🙈。湯底好濃好香, 不過略嫌太少湯, 差少少就唔夠嚟餸麵食。🥢 芝士魚餅拼魚條芝士魚餅入面嘅芝士半溶, 同魚餅味道好夾, 唔會覺得肥膩。魚條除咗有芝士仲有粟米粒, 芝士控絕對唔可以錯過。💭 整體食物好好食, 充滿日式味道, 值得再食嘅一間餐廳。