泰上皇 (已結業)

想食泰國野，所以就係app搵下有咩推介，見到呢間好似唔錯，餐牌好似幾吸引，就試一試。位於工廈之中，黎到個環境唔泰式，反而似港式茶餐廳，但冇咩所謂，太泰式都唔慣。本身都好多款想試，但叫左幾款野食先再睇睇。一上菜發覺份量都唔少，好彩冇叫太多樣，份量大絕對係優點！個黃咖哩好濃郁、好香、唔辣，送飯應該會幾正，但我揀左配烤餅，一樣咁美味。另外個小食拼盤都炸得酥脆，味道唔差，點醬汁食好夾，但唔係我個人最鐘意食。至於金邊粉，都OK，但可能我應該要叫d濕粉，我鐘意食d滑溜d既野。最後老闆好好仲送左甜品，係椰青糕，口感爽爽，好重椰子味，我第一次食就覺得幾得意整體講係幾好印象，有機會想試埋冬蔭公同青or紅咖哩。