麻辣風雲 (荃碧大廈) (已結業)

突然好想食螺螄粉，但銅鑼灣邊度有呢？麻辣風雲就有啦~午市套餐仲好抵食。每次係屋企食螺螄粉都被人嫌棄。砂鍋螺螄粉,叫左小辣,唔算好辣,但配料就好豐富,有酸竹筍,木耳絲,鹹菜脯,炸支竹同花生,湯底濃郁,米線爽滑,每一啖都夾雜住配料,口感真係好滿足，仲揀埋肥腸，肉厚入味。同埋一定要食炸蛋,炸得香脆,嗦湯一流。仲有一人雞煲套餐,岩晒突然想食,但搵唔到人食既朋友,雞煲份量十足,而且雞肉仲惹味,配飯超正。追加惹味雞軟骨同麻辣夫妻肺片.前者雞軟骨,不論熱食定凍食口感都會唔差,而且好有嚼勁。夫妻肺片有簿切既牛肚,牛舌,牛𦟌,每款都好爽口,仲好入味。雖然二款小食都用辣油調味,但實則唔係好辣,好岩香港人既口味。