Plato Cafe & Bistro (彌敦道) (已結業)

每次經過彌敦道都心思思想去呢間cafe 嘆吓。去到餐廳已經晚上7点、坐低周邊環境都寬敞、走簡約風格。晚餐都幾多選擇、有湯有麵包有主菜重包一杯$34飲品。先來個一個蕃茄湯、蕃茄湯濃郁、芬香撲鼻、麵包好軟熟、塗上牛油冇得頂🤩卡邦尼煙肉意大粉、上枱時平平無其、食落便知龍與鳳、超级好味、系近期吃過最好吃的意粉、各位去到餐廳唔叫呢個意大利粉會走寶。加拿大保濕豬鞍架、配了薯角、薯角已經炸過、所以唔易煮爛、好juicy、豬鞍架食落有淡淡豬肉味、肉質一D都唔鞋、very good 👍rosemary香草羊架、配上燒汁同埋薄荷汁、薄荷汁同羊架配上、襯得天衣無縫、好食到冇朋友。朱古力心太軟伴雪糕、這一個甜品每一次都一定要order、千祈唔可以錯過架。🤩檸檬生薑茶頗特別、可以一試。飲品也叫了薄荷朱古力，每一次都唔會令人失望，超級好飲😜美國安格斯西冷牛扒、5成熟、也是配上薯角、都好有牛肉味、如果牛扒厚身啲就更加好😋總括嚟講：這間餐廳性價比高，一班朋友嚟到餐廳hea吓，吹下水，都係唔錯選擇。