潮發粥麵茶餐廳

營業中

休息中

平時嘅我比較少食牛腩粉麵, 早前朋友同我講搵到一間好好食嘅牛腩粉麵叫我一定要試下, 今日出開尖沙咀行街，我哋就揀咗呢間潮發粥麵茶餐廳試下佢哋嘅牛腩😂， 我哋叫咗幾款食物， 呢間食店真係令我有驚喜， 用料上乘食材新鮮。皮蛋豬潤粥：大大碗粥底好綿滑， 配料份量十足， 鍾意食豬潤嘅朋友一定要試下佢哋潮發嘅豬潤粥， 豬潤爽滑彈牙堅好食。牛三寶：牛腩，牛肚， 牛筋都炆得好入味夠淋，牛腩肥瘦適中鹵水味濃郁， 好喜歡花椒八角嘅香味。炸醬麵：炸醬調教醬汁酸酸甜甜好惹味， 麵質煙煙靭靭鹼水味唔會過重 ，配合肉絲拌吃好味。油灼生菜：生菜新鮮爽脆， 蠔油鮮味唔會過鹹。