合利粥麵餐廳 (已結業)

都諗唔到食乜,食粥就最唔熱氣,弊在粥以外所有野都熱氣呢!是日晚餐:- 艇仔粥>> 此店冇一鍋鍋的艇仔粥,一碗兩個人share又夠喎.上枱時肉碎都仲係半生熟,好彩個粥夠熱,隔左陣熟晒喇!不過不失啦! 炸兩>> 夜晚真係唔好叫炸兩,d油炸鬼已經淋晒喇,仲要凍食!最後又因為落得太多醬,食唔晒.平日我都會加豉油,甜醬,花生醬同少少辣醬. 豉油王炒面>> 米粉賣晒,是旦叫了個炒面.第一次食,算係咁啦!d面太碎,俾個細碟將個面堆高晒都唔覺份量好多.不得不提,店內都是上年紀員工,態度非常親切,可能做慣老街坊生意啦!下次搵下仲有邊度有粥食先~