尚夢・茳煳 (已結業)

忙完半天後又係時候食晏，來到灣仔這個核心地方搵食完全唔係一件易事。行咗幾條街發現多咗好多兩餸飯專門店，令人感覺到其生命力，絕對是打工仔之寶。今日想食好啲，同自己講「人生苦短；要對自己好啲」！新派中菜食肆「尚夢。茳煳」正合我心意冷色設計，店內裝潢都充滿型格因為上次食過籠仔蒸荷葉飯令到我念念不忘，但今次看看個午市精選套餐，原來了翻了一翻，一於試吓其他。午市套餐價錢由$108-$148有齊湯、開胃前菜、咖啡或茶。不久店員為我用托盤送上套餐今日燉湯「沙參玉竹瘦肉湯」燉湯以明火保溫，保證送上時仍然熨口。時令湯水，湯頭清澈冇油脂，入口清甜，不膩。主菜「XO醬陳村粉蒸斑片」$148蒸籠面只見到厚切斑片，精瑩雪白，真材實料，無花無假。重點是吃前加點豉油吊味，讓豉油滲入斑片和陳村粉中，先嚐一片斑片，入口嫩滑、加上適量XO 醬，其鮮和辣更突顯了魚肉鮮味，而且超多膠原蛋白，超正！而墊底的陳村粉也同樣沾上豉油和XO 醬，入口有軟滑而有靭性，挺飽肚的。小小一件甜品「班蘭椰汁糕」輕嚐一口。最後還喝了一杯少甜、少冰的凍奶茶，感覺滿足！無加一，服務恰好 ，食物有質素，應該再冇地方挑剔了。