影片
更多
2021-11-16
1853 瀏覽
近來因為元朗一間好味嘅韓國菜餐廳，引致去到其他地方都鍾意搵間韓國菜食。今次去到尖沙咀iSquare嘅名家韓國餐廳，呢度最出名唔係食物，而係個view，所以如果大家真係想食呢間餐廳，最好出發前Book定窗邊位。環境☑️☑️☑️☑️☑️餐廳環境乾淨，闊落好坐，再者窗外有維港靚景，一定正㗎！味道☑️☑️☑️☑️晚膳時間，可能呢度出名韓燒，所以每枱都係韓燒，賣相幾好。不過由於連食幾日燒肉，真係放屁都係燒肉味，所以今次唔食燒肉，叫咗3個菜。同女朋友分別點海鮮大醬湯同石鍋辣八爪魚雜錦拌飯，仲有辣泡菜豚肉煎餅。首先講下個煎餅，大size $130有6塊，細size $110得4塊，煎餅味道一般，但問題係煎餅唔脆，又淋又鬆。至於大醬湯，湯夠辣好味，只係啲海鮮肉奇細；石鍋飯夠熱有飯焦，加上辣醬好好味，近乎當日最好。3道菜都講哂何來「近乎最好」？有呀，就係前菜，好好味。性價比☑️☑️☑️☑️雖然味道一般，但有靚景，埋單只係$448，唔貴喎。
環境☑️☑️☑️☑️☑️
餐廳環境乾淨，闊落好坐，再者窗外有維港靚景，一定正㗎！
味道☑️☑️☑️☑️
晚膳時間，可能呢度出名韓燒，所以每枱都係韓燒，賣相幾好。不過由於連食幾日燒肉，真係放屁都係燒肉味，所以今次唔食燒肉，叫咗3個菜。同女朋友分別點海鮮大醬湯同石鍋辣八爪魚雜錦拌飯，仲有辣泡菜豚肉煎餅。首先講下個煎餅，大size $130有6塊，細size $110得4塊，煎餅味道一般，但問題係煎餅唔脆，又淋又鬆。
至於大醬湯，湯夠辣好味，只係啲海鮮肉奇細；石鍋飯夠熱有飯焦，加上辣醬好好味，近乎當日最好。3道菜都講哂何來「近乎最好」？有呀，就係前菜，好好味。
性價比☑️☑️☑️☑️
雖然味道一般，但有靚景，埋單只係$448，唔貴喎。
石鍋辣八爪魚雜錦拌飯
43 瀏覽
0 讚好
0 留言
海鮮大醬湯
42 瀏覽
0 讚好
0 留言
前菜
32 瀏覽
0 讚好
0 留言
張貼
