影片
更多
2017-03-05
655 瀏覽
懷念中學時期嘅味道。想當年中學嘅時代曾經都係運動嘅一份子，成日運動嘅比賽都喺大街嘅室內運動場舉辦，所以經常性都會去。完咗比賽之後，10次有九次通常都會一大班人去食魚肉碗仔翅。嗰陣時候柴娃娃嘅感覺真係好開心，唔知幾時，先至會有返啲咁嘅感覺出現呢。我諗冇食到差唔多五六年咁耐，其實我都唔係好知道正確嘅位置係邊度，只係隱約有種記憶。遠遠行過去見到轉角位有一大班人，感覺就係佢。排隊嘅人大概有10個左右，我哋都係後邊排隊。咁醒目嘅我當然係問一問呢個位係唔係排堂食架啦，原來食係另外一個位置，自己係個邊等，剛好有人走，所以唔使5分鐘我哋已經坐咗喺度食，真係好好彩。先講講我最鍾意食嘅生菜魚肉食，魚肉嘅份量仲係咁大份，入面差唔多都有二十幾30條，條條都好口粗，口感彈牙得嚟又有點實。有冇食魚肉嘅感覺？可以話俾大家聽就唔多似，反而更加似係麵粉較多，但係佢嗰陣味同質感就係冇得比，係一種好特別嘅感覺，一定要試。碗仔翅入邊比較多嘅材料見到就應該係蛋花同肉碎，佢唔似出邊食嘅碗仔翅咁花巧，咁多材料，但係佢就做到碗仔翅應該有嘅味道。呢度仲有好多唔同嘅炸物，連炸麥樂雞都有其實都幾可愛，今次就揀咗好多人叫嘅炸番薯，外邊嗰層粉
我諗冇食到差唔多五六年咁耐，其實我都唔係好知道正確嘅位置係邊度，只係隱約有種記憶。遠遠行過去見到轉角位有一大班人，感覺就係佢。
排隊嘅人大概有10個左右，我哋都係後邊排隊。咁醒目嘅我當然係問一問呢個位係唔係排堂食架啦，原來食係另外一個位置，自己係個邊等，剛好有人走，所以唔使5分鐘我哋已經坐咗喺度食，真係好好彩。
先講講我最鍾意食嘅生菜魚肉食，魚肉嘅份量仲係咁大份，入面差唔多都有二十幾30條，條條都好口粗，口感彈牙得嚟又有點實。
有冇食魚肉嘅感覺？可以話俾大家聽就唔多似，反而更加似係麵粉較多，但係佢嗰陣味同質感就係冇得比，係一種好特別嘅感覺，一定要試。
碗仔翅入邊比較多嘅材料見到就應該係蛋花同肉碎，佢唔似出邊食嘅碗仔翅咁花巧，咁多材料，但係佢就做到碗仔翅應該有嘅味道。
呢度仲有好多唔同嘅炸物，連炸麥樂雞都有其實都幾可愛，今次就揀咗好多人叫嘅炸番薯，外邊嗰層粉漿係實嘅脆，咬落去都算係厚身，蕃薯香甜，而且價錢平，係必食嘅食物推介之一！
另外要介紹一下嘅就係佢嘅油池，究竟係乜？呢就真係要問一問店主先知。原來係一啲炸蘿蔔絲加埋魚仔嘅炸物，食落去嘅感覺就好似食緊炸蘿蔔糕，但係佢更加真材實料！
可以好明顯見到入邊嘅蘿蔔絲係一條條，粉漿唔多。食落去蘿蔔同埋五香粉嘅味道重，上面嘅幾條脆魚乾點綴，相當不錯。
好開心時間五六年都可以再食番舊有嘅滋味，我期待。無論過多幾多個五六都會仲係度，等我返嚟食佢！
張貼
