62
34
4
等級3
95
1
不負所望的馳名中菜
2015-04-07 1498 瀏覽
是夜與友人一行7人到美麗華新開的鼎泰豐用膳每人都捧住飽到撐嘅肚腩返歸（原本想到新港中心的那間，上OPENRICE一睇先知原來裝修緊，不過呢間新店都相當唔錯，環境靚、服務同食物質素都一流）因為到達時只係6點幾7點，時間尚早，唔洗等位就可入座迅速點完菜後等左5分鐘就已經陸續上菜，效率唔錯。先係冷盤的《辣味小黃瓜》(HKD$38)，叫得辣味當然以辣為先，但辣得嚟係帶有香味，而並非街外令人灼喉的刺激感，食落好醒神開胃！小黃瓜的大小適中，份量方面，雖然對於我地一圍7人嚟講係少左啲，但考慮埋價錢，其實都算物超所值嘅之後又上埋另一冷盤《原味水晶肉》(HKD$58)。水晶肉係凍左嘅豬肉，而透明嘅位置，(據友人所說)其實係骨膠原而非肥膏，而且呢味餸肉香甜嫩，肥而不腻，食多幾舊都唔覺有罪惡感同時仲有味《紅油白肉粉皮》(HKD$58)，紅油顧名思義即係辣椒油，同《辣味小黃瓜》一樣都係用辣得嚟有辣椒香味嘅辣椒油，粉皮比較煙韌，厚薄適中，唔會一夾即散，可以足夠沾滿紅油再進食非常滿意！冷盤最後一道係《酒糟鴨舌》(HKD$58)，鴨舌肥美又爽滑，夾雜住淡淡嘅酒香為頭盤轉一轉清淡口味，清一清我地個口腔，迎接跟住落嚟嘅
更多
是夜與友人一行7人到美麗華新開的鼎泰豐用膳
每人都捧住飽到撐嘅肚腩返歸
（原本想到新港中心的那間，上OPENRICE一睇先知原來裝修緊，不過呢間新店都相當唔錯，環境靚、服務同食物質素都一流
）因為到達時只係6點幾7點，時間尚早，唔洗等位就可入座


迅速點完菜後等左5分鐘就已經陸續上菜，效率唔錯。先係冷盤的《辣味小黃瓜》(HKD$38)，叫得辣味當然以辣為先，但辣得嚟係帶有香味，而並非街外令人灼喉的刺激感，食落好醒神開胃！小黃瓜的大小適中，份量方面，雖然對於我地一圍7人嚟講係少左啲，但考慮埋價錢，其實都算物超所值嘅
辣味小黃瓜
$38
58 瀏覽
0 讚好
0 留言
 之後又上埋另一冷盤《原味水晶肉》(HKD$58)。水晶肉係凍左嘅豬肉，而透明嘅位置，(據友人所說)其實係骨膠原而非肥膏，而且呢味餸肉香甜嫩，肥而不腻，食多幾舊都唔覺有罪惡感
原味水晶肉
$58
60 瀏覽
0 讚好
0 留言
 同時仲有味《紅油白肉粉皮》(HKD$58)，紅油顧名思義即係辣椒油，同《辣味小黃瓜》一樣都係用辣得嚟有辣椒香味嘅辣椒油，粉皮比較煙韌，厚薄適中，唔會一夾即散，可以足夠沾滿紅油再進食
非常滿意！
紅油白肉粉皮
$58
39 瀏覽
0 讚好
0 留言
 冷盤最後一道係《酒糟鴨舌》(HKD$58)，鴨舌肥美又爽滑，夾雜住淡淡嘅酒香
為頭盤轉一轉清淡口味，清一清我地個口腔，迎接跟住落嚟嘅主菜
酒糟鴨舌
$58
41 瀏覽
0 讚好
0 留言
 食過幾款冷食前菜之後，終於有熱食主菜出場嘞
首先當然係鼎泰豐遠近馳名嘅《特色小籠包》(HKD$58)，我地另外仲有點到雞肉同埋蟹粉味，下面再講。所謂《特色小籠包》其實就即係原味嘅小籠包，原汁原味，趁熱食就最滋味
不過進食時記得要小心辣咀呢！肉汁鎖住喺小籠包入面，同時都充盈了肉質嘅鮮美
特色小籠包
$58
69 瀏覽
0 讚好
0 留言
 除左原味之外，我地仲點埋《雞肉小籠包》(HKD$68)同《蟹粉小籠包》(HKD$90)。呢兩款小籠包都都好得意，會另外有塊加咗色素嘅公仔喺籠入面以作識別，雞肉嘅就係一個雞仔圖案，而蟹粉嘅就係一隻蟹嘅圖案
味道方面，雞肉比較觧味，而蟹粉就比較濃味，影響到小籠包嘅肉汁都有唔同味道，前者比較重肉味，唔似原味以上湯味為主，而後者雖然都食得出上湯味好濃，但就帶有一種混雜的粉狀濁濁嘅口感，可能因為有蟹粉嘅關係啦。
雞肉小籠包
$68
52 瀏覽
0 讚好
0 留言
 三種味道嘅小籠包相比之下，筆者覺得原味係最好食，雖然價錢方面以蟹粉味最貴又最多人讚好，但口味呢家嘢，各花入各眼，可能大家都會有唔同嘅取向都唔出奇
蟹粉小籠包
$90
43 瀏覽
0 讚好
0 留言
 之後就上咗道清清地嘅《蒜茸炒通菜》(HKD$57)，味道不過不失，雖然只係一味普通小炒，但絕對不見一點馬虎，油份比例控制得幾好，不帶一點油膩感，菜亦冇炒至過老嘅問題
通常最簡單的小菜就最顯師傅功架嘞
蒜茸炒通菜
$57
37 瀏覽
0 讚好
0 留言
 跟手上埋個《台式酸辣湯》(HKD$48)，刺激一下味蕾
呢款酸辣湯酸辣度屬於中辣以上，所以唔食得辣嘅人要慎點喇！材料同味道方面都頗滿意，唯一不足係筆者覺得太過稀嘞，如果杰身少少就會更好味
台式酸辣湯
$48
47 瀏覽
0 讚好
0 留言
 最後就上埋兩款正食——麵食同炒飯，為呢餐盛宴劃上完美句號
首先上一個《炸醬拌麵》(HKD$38)，炸醬味道非常濃烈亦偏甜，配料亦相當之多，食哂啲麵之後仲有剩唔少炸醬料呢！而且一查之下先知道原來鼎泰豐嘅《炸醬拌麵》係有段故嘅
話說舊時，呢味《炸醬拌麵》係老闆嘅Lunch，只係將一啲用剩嘅餸頭餸尾炒一炒加醬撈麵，某一次比客人見到就問佢係咩嚟，見老闆食得咁滋味都想點一份，之後竟然大受好評，於是鼎泰豐從此就多咗呢味《炸醬拌麵》嘞
（故事孰真孰假可能要問老闆真人先知，反正我就幾鍾意呢種味道
）
炸醬拌麵
$38
50 瀏覽
0 讚好
0 留言
 另外仲有個《肉絲蝦肉蛋炒飯》(HKD$68)，肉絲同蝦肉份量中等，炒飯都頗令人滿意，起碼係粉粉分明，肉絲同蝦肉亦炒得幾到位，尤為欣賞蝦肉嘅處理，炒得帶有海觧嘅鲜甜
完全食唔到任何雪藏味
肉絲蝦肉蛋炒飯
$68
45 瀏覽
1 讚好
0 留言
 最後附上一張滿桌佳餚嘅相以總結今餐，今次到鼎泰豐美麗華新店用膳的確非常滿意，味道上乘之餘，連員工服務都係好高質，非常有禮又醒目，不時經過就會自動自覺加水同收碟，唔洗我地出聲
當然要挑剔嘅點都一定有，我只舉一項啦（因為其他都係Minor嘢，可以接受到），就係價錢的確偏貴咗，有時同份量係唔合比例（例水晶肉、蟹粉小籠包等），如果今餐唔係咁多朋友一齊嚟食，估計找數就起碼每人$200 UP嘞
一桌盛宴
53 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2015-04-02
用餐途徑
堂食
人均消費
$135 (晚餐)
推介美食
辣味小黃瓜
$ 38
原味水晶肉
$ 58
紅油白肉粉皮
$ 58
特色小籠包
$ 58
雞肉小籠包
$ 68
蟹粉小籠包
$ 90
蒜茸炒通菜
$ 57
台式酸辣湯
$ 48
炸醬拌麵
$ 38
肉絲蝦肉蛋炒飯
$ 68
一桌盛宴