譚仔三哥米線 (形點 II)

營業中

休息中

三哥一直都係我米線嘅首選。湯底夠多款，清湯，麻辣，煳辣，酸辣。另外又貪佢一個人易攞到位坐，又唔怕人有奇異嘅眼光。我覺得食三哥一定要食辣嘅湯底！三小辣我覺得喺最適中嘅，如果叫再辣就會搶走晒啲味覺，食咩使用都係同一隻味，唔夠辣又唔過癮喎。食開麻辣嘅我新試煳辣。叫左2餸，我嘅例牌，雞肉墨丸。個湯底好香，睇色都覺得濃呀。唔同麻辣，冇咁多油浮面。雞肉都一直咁好食，份量多，入味。我中意墨丸有一粒粒咬到嘅墨魚喺入面。米線彈牙，控制得幾好。下次睇心情多個湯底選擇了。