大快活

營業中

休息中

呢幾日天氣凍凍哋，為食豬都專登揀啲食完暖粒粒嘅嘢食。聽為食豬講快餐店都有最殘忍嘅飯--煲仔飯食，見咁方便又抵食就一試啦。臘腸豉椒雞煲飯($45): 煲仔飯都幾大個，餸就相對少，食到最尾有少少唔夠餸。臘腸肥瘦適中，豉椒雞都幾滑但唔夠入味。為食豬幾鍾意佢有香脆菜脯吊下味，仲有啲菜粒感覺健康啲。鴛鴦肉餅煲仔飯($45): 本來對呢款冇咁大期望，點知佢好仲味啲。牛肉餅幾滑，同酒樓嘅牛肉球基本一樣，豬肉餅最好味，有啲咬口，最正係有淡淡咸魚嘅香味。估唔到快餐店嘅煲仔飯都唔錯，甚至拍得住油麻地出咗名嘅煲仔飯店，雖然唔係用炭爐，但依然有大量飯焦。仲有，呢度勝在唔使排隊仲好抵食。