億饍 (已結業)

臨急臨忙搵張大枱8個人食飯， 見到openrice 有成三百幾個讚好， 所以就膽粗粗去咗訂位試吓。 我哋係坐戶外嘅位置， 由於係戶外嘅關係， 四周圍都圍起帳篷， 但左右又有啲去水喉， 所以坐得唔係咁自在， 好在侍應招呼唔差。 我哋今日叫咗越南蒸粉包4件、越南春卷4件、鹵水乳鴿、酸甜排骨、四季豆、咖哩牛腩、羊腩煲、蒜蓉包同油飯。 不過我想講既係， 個咖哩牛腩份量真係少！ 竟然一煲得6粒同1粒薯仔。個羊腩煲都有10粒羊既，不過味道就一般啦！而其他食物都並不難食。見到食評讚好既乳鴿的確整得好嫩滑。整體黎講食物質素不過不失。