芽莊越式料理 (新城市廣場) (已結業)

星期六因為要做野去左沙田, 做完公司野2點幾啦, 見唔係好多人就揀左呢間環境都算幾新, 幾乾淨兩個人食左三樣野, 啱啱好 !豬頸肉沙律($68)豬頸肉燒得唔錯!燒完之後外面仲脆脆地，中間仲好嫩，不過我唔係好食得辣牛肉串燒($68)對我黎講覺得略貴, 不過都算大串, 貴少少都算la, 都燒得啱啱好 !燒雞濱海($58)濱海係一塊蒸既米粉餅, 會跟埋d 菜同香菜俾我地, 可以用菜包住d 濱海同雞肉黎食不過我覺得d 雞肉就油左少少, 可能因為係炸, d 菜包住都唔覺ge~