名代宇奈備長炭燒鰻魚飯專門店 (iSQUARE國際廣場) (已結業)

友人話好耐冇食鰻魚飯喇，乘今日落尖沙咀，就順便喺iSquare度食餐久違的鰻魚飯。雖然係禮拜六，但係餐廳的人並唔多。呢間餐廳係數碼落單的，因為係嚟食鰻魚飯嘅，所以就點咗兩個鰻魚重，另外要咗一串鰻魚肝串同埋一個鰻魚海老天婦羅重，兩個人食嘅晏晝餐就差唔多啦！坦白講，佢哋啲鰻魚飯並唔係十分出色，叫做比上不足，比下有餘，過吓癮喇！嗰個天婦羅真喺炸得麻麻哋，一來唔脆口，二來油漬甚多，俾人一個肥膩的感覺。嗰串鰻魚肝唔係我杯茶，我嫌佢太腥，但係友人就覺得還不錯。呢間日本過江龍餐廳聽聞在日本甚出名，唔知係咪嚟到香港就變咗樣，佢嘅鰻魚飯頂多叫做還可以，香港可以搵到比他更加好食的鰻魚飯。