貴州遵義黔營羊肉粉 (利群大廈)

營業中

休息中

有朋友提議食羊肉麵，一齊去試下。畢竟呢類粉麵店偏少，都抱住少少期待去試！羊肉拉麵麵質軟滑，湯既味道好普通，羊肉片嫰，味道唔算好吸引，冇果種你一試會好想追住食既感覺。個湯好白，但就冇好重胡椒或者香料味，可能我自己有誤解，始終第一次食呢款羊肉麵。羊什拉麵同上，羊什冇果種好重既羊羶味，係做得唔錯既，亦好軟淋，整體合格；枱面有提供大蒜，就咁食落去會好辛辣，但係咬少少再加一啖湯麵，成個層次會提升左，好味。羊肉夾饃比想像中細件，我見朋友幾啖食晒，話ok既，不過就同一碗麵咁上下價錢。羊肉湯餃子岩岩入門口見到阿姐係度包緊，冇想像之中咁夠味，味道及質感只屬一般。我個人點去比較，如果同深水埗幾間有名氣既餃子比較，呢度既羊肉餃子皮偏厚，味道唔夠重，可能淥熟既關係，如果煎餃可能會好d。羊肉串$16一串，有肉汁唔會太乾，串係中間既係羊肥肉/羊油，所以食落去有口感：油＋肉既咬口唔錯，算幾好。如果唔食得肥可以嗌牙籤羊肉，相對比較細串，冇左中間肥油位，食落唔會有油膩感。當止下咳食下羊肉麵，串燒等等，可以一試。不過係香港真係未搵到好食既羊肉拉麵，近似國內少店/連鎖店果d。