元祖沾麵專門店

營業中

休息中

見到呢間鋪頭幾多好評，滿懷期待去食呢餐，可惜最後都係失望而回。入到去啲座位幾有日本feel，仲有提供免費紙巾同消毒紙巾。我地一行兩人，我朋友嗌咗個午餐炸蠔丼，59蚊，味道不過不失，但略嫌啲炸粉太厚，而且啲蠔過熟，咬落去有啲靭！跟住今餐嘅重頭戲嚟喇！我嗌咗呢個179蚊嘅海膽芝士沾麵，個麵正常，個沾汁都正常，問題係啲海膽冇乜味，仲有啲苦添，如果你係為海膽而嚟，我只可以勸你避雷溫馨提示，呢度係收加一，而且畀你杯綠茶會收返5蚊，如果你嗌嘢飲就可以免茶錢。