元祖沾麵專門店

營業中

休息中

行行吓街發掘到尖沙咀一間沾麵，竟然又覺得幾好食，呢間沾麵嘅湯可以再加，我係食拉麵一定每淡都要有湯嘅人，唔使驚慳住啲湯嚟食，每次加湯個湯都係熱鬼，我同朋友每人都加咗一轉，沾麵個面幾有咬口，煙韌度啱啱好，而且我哋總加咗海膽，我自己叫咗個芝士海膽，鍾意食芝士嘅人可以試吓，但係我覺得個芝士有少少滯，但整體都覺得好好，而且餐廳會有包紙巾，有我鍾意嘅達摩公仔，價錢合理，人均大約$100-$120左右，質素都OK

黃金瀑布蟹粉沾麵：這款沾麵是絕對值得一試的美食之一。精心烹製的蟹粉醬搭配著Q彈的麵條，每一口都散發出濃郁的海鮮風味。蟹肉的鮮甜與麵條的口感完美結合，令人難以忘懷。這道料理的獨特之處在於其濃郁的蟹味，令人回味無窮。無論您是海鮮愛好者還是美食探索者，這道「黃金瀑布蟹粉沾麵」絕對會讓您愛不釋手。

第一次見到沾麵，好奇心驅使下走左入呢間餐廳。我點左豚肉海老魚介沾麵，朋友分別點左芝士海膽沾麵配原板海膽同龍蝦湯底沾麵😋沾湯係用石鍋滾住上菜，魚介沾湯嘅味道好清爽，沾麵有彈性。芝士海膽同龍蝦湯底嘅味道好濃郁好香！下次再去試下拉麵！

下午三點幾，响尖沙咀行行下有啲肚餓，想揾個下午茶食下，見到呢個時間呢間竟然有人派傳單，見位叔叔咁落力，就即管幫襯下。雖然已經三點幾，呢度依然食緊午市特價套餐，款式選擇都算多，不過比較大路。價錢唔算貴，加十蚊有湯和飲品，可以接受。看餐廳名字，呢度招牌菜應該係沾麵，不過我冇試，反而揀咗日式咖哩豬扒丼，因為睇相真係幾大份 😆而實際上都唔算細，至於味道，就算一般的日式套餐，唔會差，又冇乜特別，間唔中食下都可以。呢度環境有少少窄，不過奇怪嘅係，非常多人，我食到下午四點幾，依然不斷有人幫襯，難道依家興下午茶食大碗飯~ 😅

店舖環境一般食物質素亦一般員工服務水準麻麻.廚師應該是新來的.喺個客面前會話煲生米.唔用得要叫員工出去買兩盒飯頂住先.另外本身叫咗個炸雞丼飯. 應該有五件雞.出俾客人四件而要候補一件. 原因好大聲聽到佢哋講話佢喺廚房佢哋食咗一件所以唔夠. 這樣的服務態度真的不可接受其實本身喺港島吉之島嘅分店食過本身覺得幾好食，而佢老細亦都極力推介，所以試吓尖沙咀嗰間，但真的唔會再有下一次

第一次食元祖，一坐埋位已經聽到廣東歌，都唔係問題，一路聽住入邊嘅員工以走音嘅聲音唱歌，實屬堪輿。見到Menu啲圖，一開始對食物有少少期待，但當佢嚟咗之後只有無盡嘅失望。我嗌咗個叉燒拉麵，個面嚟到之後已經冇晒任何幻想，聞落去似係啲罐頭豚骨湯嘅味，拉麵有非常重嘅鹼水味，叉燒好大浸雪藏味，仲見到有淋巴，舊蛋係半熟，湯底死鹹，成碗拉麵唯一叫做好啲嘅地方係塊紫菜同埋啲筍。食完之後即刻俾錢買單出去買嘢飲。唯一好嘅係有免費紙巾提供。真心唔建議大家嘥錢嚟食，區內有更加好嘅選擇。

去到日暮家原來已經結咗業，咁去咗呢間食啦，因為今日心情係要食拉麵，個人覺得拉面味道就一般，中等啦～可能係舖頭陣味影響，埋單見到，嘩，個職員遞埋黎果2杯熱綠茶原來要$10/杯，都算喇，另外仲要加1服務費？ 唔知以為去咗酒樓！今次中咗先留意到舖頭話有寫句細字，無問題！下次唔會再去～

一個想食沾麵，一個想食拉麵，呢間就啱晒喇！呢度嘅沾湯與別不同，除咗經典魚介湯底仲有海老、龍蝦及芝士湯，而且配搭選擇高質。如：黑魚籽糖心蛋、海膽及龍蝦等…🫕極上芝士海膽沾麵配原板海膽石鍋沾湯滾住上，芝士味強烈濃郁裡頭有豬角粒，麵有彈性將麵條放進石鍋內一路食溫度更可keep 住，湯底唔夠仲可免添黑蒜豚肉叉燒拉麵湯底蒜香味極濃，三大塊豚肉叉燒肥瘦適中，口感軟腍，流心蛋入口滑溜配流心蛋 、黑木耳、京蔥及筍份量十足

又難食 又貴 所謂整板海膽 得四淡 叉燒又雪味 茶都可以收錢 係都有寫明。但都係角落頭好細隻字個啲 收錢都算 啲茶可以凍既但又剩係可收現金 好瘋狂下次唔會再泥 伏味係滿星不知所謂既餐廳

今日放工約朋友去到尖沙咀一間頗有名氣的日式拉麵店,嘗了兩款極具特色的沾麵菜式。。首先嘗試的是極上RACLETTE芝土龍蝦沾麵（$168）沾麵的麵條質地軟滑,搭配香濃的龍蝦湯底,令整個用餐過程非常奢華。龍蝦湯頭濃郁而不膩,每一口都散發出龍蝦鮮甜的味道,口感濃郁而令人難忘，特別用了石窩保熱，夠細心。芝士與海鮮的完美融合,讓我彷彿置身於優雅的法式餐廳。。另一款同樣吸引我目光的,是豚肉魚介沾麵（$89）湯底使用了魚介，湯頭鮮美甘醇,帶有一絲微微的鹹香,讓人回味無窮。沾麵的麵條質地柔軟,加上湯頭的鮮味,每一口都是滿足感。令人驚喜的是,沾麵可以無限次續湯,讓我吃到最後一滴都捨不得浪費。。最後,店家更貼心地提供免費加注木魚湯的服務,將剩餘的湯汁一飲而盡。木魚湯湯頭濃郁香醇,為整個用餐體驗畫上完美的句號。。整體來說,這間日式沾麵店的菜式創新,並且提供了優質周到的用餐體驗,從沾麵本身到免費續湯服務,都讓人感受到店家的用心。。元祖沾麵專門店 (尖沙咀)尖沙咀厚福街5-6號多富閣地下5號舖

上個月嚟，試咗沾麵，不過不失。今次試湯麵，個叉燒有雪咗好耐個陣味，麵唔多，都算。但埋單個時原來杯綠茶要收$5，上次嚟都無。佢話張紙有寫，望一望，啲字細隻到呢。食開其他拉麵店都無收茶錢，肚餓入嚟食嘢咁大張紙真係唔會留心睇。我話呢啲額外收費要講聲，佢話已經寫咗係度 (sorry係我眼太大所以睇唔到)。已經收加一仲要收茶錢，又唔係真係好好味，唔會再嚟。ps: 佢寫叫飲品就唔收茶錢，其實佢講聲，我可能會叫飲品，識唔識做生意咪呢啲囉。

周一放工，我約了太太一同品嚐一家位於尖沙咀厚福街的日式沾麵專店。這家名為「元祖沾麵專門店」的店鋪，是本地其中一間出名的沾麵料理。進入店內後，我們被溫馨而舒適的氛圍所包圍。店內裝潢簡潔，桌椅整齊排列，讓人感到寧靜和放鬆。菜單上列出了各種口味的沾麵，讓我們感到眼花繚亂。太太選擇了豚肉魚介沾麵~$89。這款沾麵搭配了豐富的豚肉和魚介，絕對是魚肉愛好者的最佳選擇。而我則點了極上芝士蟹皇沾麵連極上芝士蟹皇~$148。這款沾麵另外搭配了鮮甜的日本松葉蟹膏，還有大量脆卜卜的魚籽，給了我一種豐富的口感體驗。特別是那層濃郁的芝士，融化在熱騰騰的湯底中，使得整碗沾麵更加美味。不久後，服務員將我們的沾麵端到了桌上。熱騰騰的湯底，鮮香的湯汁讓人胃口大開。接著，我們夾起一根彈牙的麵條，沾上湯汁，送入嘴中。那豐富的口感和滋味讓我們感到驚艷。太太的豚肉魚介沾麵鮮嫩多汁，而我的極上芝士蟹皇沾麵則滿足了我對芝士和海鮮的愛好。這家元祖沾麵專門店確實不錯，大家可去試下。

星期六lunch時間經過呢間元祖沾麪 見好耐無食而且門口有banner寫有午餐五十幾六十蚊一個飯/麫幾抵食就入去坐低 點知到叫果陣就話午餐要星期一至五先有 咁照叫左個叉燒豚肉沾麫93蚊 睇埋原來杯綠茶要收5蚊茶錢仲要加一坦白講個沾麪味道唔算差但偏咸 得兩片叉燒仲硬過酒樓叉燒包既叉燒 半熟蛋煮到近乎全熟 麫份量算多夠飽肚 呢間野真係無下次坦白講賣呢個價錢真係比唔番個質素 如果要食沾麫真係去灣仔台風R高質好多 完全唔同等級

一開始入到去比咗兩杯茶我地然後埋單個時張單寫住$10宇治抹茶員工話係一開始個兩杯茶想問下係我地你叫到茶嘅情況下可以自己上比我地然後收返我地錢嘅咩？😓服務費已經收咗$25，再已屈多$10真係好肉酸食物質素好老實講好麻麻，價錢本來貴叉燒又硬又柴，沾麵湯底鹹唯一好就係份量多，上菜快，無其他唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數唔夠字數

前日食咗個$149嘅炸蠔沾麵，碗湯又唔夠熱個麵又凍冰冰。食完碗炸蠔沾麵，當晚即刻又發冷又發燒，第二日仲要胃痛肚痛。去睇醫生，醫生都話係病毒性嘅腸胃炎，啲嘢食唔乾淨。（當日淨係食咗碗沾麵冇食其他嘢）如果大家唔想腸胃炎，肚痛胃痛幾日嘅話，都唔太推薦大家去食了🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻